اچانک چیف جسٹس کے ڈیم فنڈ میں کتنی رقم آگئی؟ انتہائی حیران کن خبرآگئی

اچانک چیف جسٹس کے ڈیم فنڈ میں کتنی رقم آگئی؟ انتہائی حیران کن خبرآگئی
اچانک چیف جسٹس کے ڈیم فنڈ میں کتنی رقم آگئی؟ انتہائی حیران کن خبرآگئی

اسلام آباد  (ویب ڈیسک) وزارت خزانہ نے دیامر بھاشا اور مہمند ڈیم فنڈ کا نام تبدیل کر کے سپریم کورٹ دیامر بھاشا مہمند ڈیم فنڈ رکھ دیا ، اس ضمن میں وزارت خزانہ نے نوٹیفکیشن میں ترمیم کر دی، نوٹیفکیشن میں قرار دیا گیا ہے کہ فنڈ کی مینجمنٹ صرف سپریم کورٹ کے پاس ہوگی جبکہ پا کستانیوں نے ڈیم فنڈ میں رقم جمع کرانا شروع کر دی۔

دوسری طرف چیف جسٹس کے ڈیم فنڈ میں اب تک  7کروڑ  67 لاکھ 61 ہزار روپے سے زائد رقم جمع ہوچکی ہے، ڈیم فنڈ میں چیف جسٹس میاں ثاقب نثار نے ابتدائی طور پر 10 لاکھ رو پے دئیے تھے، سپریم کورٹ کے افسر 2 دن، ماتحت ملازمین ایک دن، وزارت خارجہ کے افسر 3 دن، باقی عملہ ایک دن، پیمرا کے افسر ایک دن، واپڈا کے افسر 2 دن، دیگر ملازمین ایک دن، پالپا کے ممبرز 3 دن، نگران صوبائی وزیر ضیا حیدر رضوی 2 ماہ، ڈی آ ریو مظفرآباد کے افسر اور اہلکار ایک دن، بلدیہ کورنگی کراچی کے ملازمین ایک ماہ، ملی لیبر فیڈریشن کے ملازمین ایک دن جبکہ بلوچستان ہائی کورٹ کے ججوں نے ایک دن کی تنخواہ ڈیم فنڈ میں عطیہ دینے کا اعلان کیا تھا۔ دو دن قبل تک اکاؤنٹ میں پونے دو کروڑ روپے جمع ہوپائے تھے ۔ 

لاہور ہائیکورٹ بار کے وکلا نے بھی اپنا حصہ ڈالنا شروع کر دیا، آرمی چیف نے ایک ماہ کی تنخواہ، چیئرمین سینیٹ نے 15 لاکھ روپے، شاہد خان آفریدی نے 15 لاکھ ،  سینئر قانون دان چودھری ظفر اقبال، ملک مقبول صادق نے ایک ایک لاکھ، اداکار حمزہ عباسی 3 لاکھ روپے، سابق فوجیوں کی تنظیم ویٹرنز آف پاکستان نے ماہانہ پنشن سے 5 فیصد، اوگرا نے ایک کروڑ 20 لاکھ، بینک آف پنجاب نے ایک کروڑ روپے عطیہ دینے کا اعلان کیاتھا۔ 

مزید : قومی /بزنس

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...