سابق وزیراعظم کی والدہ اس وقت کدھر ہیں اور سامنے کیوں نہیں آئیں؟ تہلکہ خیز خبر آ گئی

سابق وزیراعظم کی والدہ اس وقت کدھر ہیں اور سامنے کیوں نہیں آئیں؟ تہلکہ خیز ...
سابق وزیراعظم کی والدہ اس وقت کدھر ہیں اور سامنے کیوں نہیں آئیں؟ تہلکہ خیز خبر آ گئی

لاہور (ڈیلی پاکستان آن لائن) نگراں حکومت پنجاب نے سابق وزیراعظم نواز شریف کی والدہ بیگم شمیم کو نظربند کر دیا ہے جن کا کہنا تھا کہ وہ بھی اپنے بیٹے کے استقبال کیلئے ائیرپورٹ جائیں گی اور اگر انہیں گرفتار کیا گیا تو جیل جائیں گی۔

یہ بھی پڑھیں۔۔۔نواز شریف اور مریم نواز کا طیارہ لاہور ائیرپورٹ پر لینڈ کر گیا، کچھ دیر میں گرفتاری متوقع 

میڈیا رپورٹس کے مطابق نوازشریف کی وطن واپسی کے موقع پر جہاں ن لیگی کارکنان کی پکڑ دھکڑ کا سلسلہ جاری ہے اور کئی رہنماﺅں کو گھروں میں نظر بند کرنے کے احکامات دئیے گئے ہیں وہیں نواز شریف کی والدہ کو بھی گھرمیں نظر بند کر دیا گیا ہے۔ نوازشریف کی والدہ بیگم شمیم شریف نے اپنے بیٹے کے استقبا ل کیلئے ائیرپورٹ جانے اور بیٹے اور نواسی مریم نواز کی گرفتاری کی صورت میں ان کے ساتھ جیل جانے کا اعلان کر رکھا تھا۔

گزشتہ روز اپنے پیغام میں بیگم شمیم شریف کا کہنا تھا کہ پاکستان کا بیٹا میرا بیٹا جس نے اس وطن کو روشن بنایا، واپس آ رہا ہے تاکہ میں پھر سے اس کا ماتھا چوم سکوں۔ انہوں نے کہا کہ میرے بیٹے نوازشریف، مریم نواز اور کیپٹن ر صفدر کے خلاف ناحق فیصلہ آیا ہے، ان تینوں کو جیل نہیں جانے دوں گی اور اگر جیل بھیجا گیا تومیں بھی ساتھ جیل جاﺅں گی۔

ان کا کہنا تھا کہ میرا ایمان ہے کہ تینوں بے گناہ ہیں اور اللہ تعالیٰ ان کی حفاظت کرے گا۔ ظالموں کواللہ کی پکڑ اور خوف سے ڈرنا چاہیے۔ شمیم بیگم نے کہا کہ عدالت نے خود فیصلے میں لکھا ہے کہ کرپشن ثابت نہیں ہوئی۔ تو پھر میرے بچوں کو سزا اس بات کی دی جا رہی ہے۔

مزید : ڈیلی بائیٹس /علاقائی /پنجاب /لاہور

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...