گزشتہ 24 گھنٹوں میں دنیا میں کورونا وائرس کے کیسز میں ریکارڈ اضافہ

گزشتہ 24 گھنٹوں میں دنیا میں کورونا وائرس کے کیسز میں ریکارڈ اضافہ
گزشتہ 24 گھنٹوں میں دنیا میں کورونا وائرس کے کیسز میں ریکارڈ اضافہ

  

نیویارک(مانیٹرنگ ڈیسک) عالمی سطح پر کورونا وائرس کے نئے مریض سامنے آنے کی شرح نئے عروج کو چھونے لگی ہے اور گزشتہ چند دنوں سے جتنے نئے کیس سامنے آ رہے ہیں وہ ایک ریکارڈ ہے۔ ڈیلی سٹار کے مطابق عالمی ادارہ صحت کی طرف سے جاری اعدادوشمار میں بتایا گیا ہے کہ گزشتہ 24گھنٹوں میں دنیا بھر میں کورونا وائرس کے 2لاکھ 30ہزار 370نئے مریض سامنے آئے۔ یہ 10جولائی کے بعد بلند ترین سطح ہے۔ 10جولائی کو ریکارڈ 2لاکھ 28ہزار 102مریض سامنے آئے تھے۔

عالمی ادارہ صحت کے اعدادوشمار کے مطابق سب سے زیادہ نئے کیس امریکہ برازیل، بھارت اور جنوبی افریقہ میں سامنے آئے۔ امریکہ میں گزشتہ 24گھنٹوں میں 66ہزار 281، برازیل میں 45ہزار 48اور بھارت میں 28ہزار 637نئے کیس سامنے آئے۔ صرف ایک امریکی ریاست فلوریڈا میں 24گھنٹوں میں 15ہزار 300نئے مریض سامنے آئے۔ عالمی ادارہ صحت کے مطابق اگر فلوریڈا امریکی ریاست کی بجائے ایک ملک ہوتا تو نئے کیسز کی تعداد کے حوالے سے امریکہ، برازیل اور بھارت کے بعد دنیا میں چوتھے نمبر پر ہوتا۔

مزید :

کورونا وائرس -