کراچی کو پانی کی فراہمی کے منصوبے کے فو ر کا فیزون تاخیر کا شکار، سندھ حکومت نے وفاق کو خط لکھ دیا

  کراچی کو پانی کی فراہمی کے منصوبے کے فو ر کا فیزون تاخیر کا شکار، سندھ حکومت ...

  

کراچی(این این آئی) شہر قائد کیلئے 260ملین گیلن پانی کا منصوبہ کے فور فیز ون تاخیر کا شکار ہوگیا۔رپورٹ کے مطابق سندھ حکومت نے کے فور منصوبے سے متعلق وفاقی حکو مت کو خط لکھ دیا، خط صوبائی سیکرٹری پلاننگ نے وفاقی سیکرٹری پلاننگ کو لکھا جس میں بتایا گیا ہے کہ کے فور منصوبہ خاص وجوہات اور ڈیزائن کی وجہ سے تاخیر کا شکار ہے۔خط کے متن کے مطابق منصوبہ ساز کمپنی نیسپاک مسئلے کے حل کے لیے رابطے میں ہے، سندھ حکومت نے کمپنی کو ڈیزائن کے ازسر نو جائزہ لینے کا کہا تھا۔سندھ حکومت نے موقف اختیار کیا کہ نیسپاک سے مشترکہ کمپنی ڈیلٹاز نے گزشتہ سال رپورٹ جمع کرائی تھی، عثمانی اینڈ کمپنی لمیٹڈ نے ازسر نو رپورٹ کو مسترد کردیا تھا، نیسپاک، ڈیلٹاز اور او سی ایل میں شدید اختلاف پایا جاتا ہے۔خط کے متن کے مطابق سندھ حکومت نے نومبر 2019 میں ٹیکنیکل کمیٹی قائم کی تھی، کمیٹی او سی ایل کے ڈیزائن پر تحفظات کا جائزہ لینے کے لیے بنی تھی، کے فور منصوبہ 17جون کو ہونے والے اجلاس میں رکھا گیا، وزیراعلی سندھ نے ڈیزائن درست اور منصوبے فورا مکمل کرنے کی ہدایت کی تھی۔سندھ حکومت کے مطابق سندھ کابینہ نے کمیٹی کی تمام سفارشات کو منظور کیا، حتمی رپورٹ ٹیکنیکل کمیٹی نے وفاقی وزیر پلاننگ کو جمع کرادی ہے، منصوبے کا ترمیمی پی سی ون اور تیکنیکی کمیٹی کی رپورٹ تیار ہے، پلاننگ کمیشن کی منظوری کے بعد رپورٹ جمع کروادی جائے گی۔

کے فور

مزید :

پشاورصفحہ آخر -