ثابت ہو چکا نیب کی اپوزیشن کیخلاف کارروائیوں کے پیچھے حکومت کا ہاتھ ہے
اے این پی کے مرکزی رہنما زاہد خان نے کہا ہے جس طرح سے آصف علی زرداری اور حمزہ شہباز کی گرفتاری کی گئی ہے اس سے یہ بات عملی طور پرثابت ہو گئی ہے احتساب صرف اپوزیشن کا ہی ہورہا ہے اور پی ٹی آئی کے وہ لوگ جن پر اربوں کھربوں روپے کی کرپشن کے کیس نیب میں چل رہے ہیں وہ حکومت کے مزے لے رہے ہیں ایسی یکطرفہ نیب کی کاروائیوں کو کوئی بھی نہیں مانے گا،وزیراعظم کی کابینہ میں ایسے بہت سے لوگ ہیں جن کے کیسوں کا نیب نے کوئی فیصلہ نہیں کیا لیکن وہ چونکہ حکومت میں بیٹھے ہیں اسلئے وہ جو مرضی کرتے پھریں انہیں کوئی پوچھنے والا نہیں،ایشو آف دی ڈے مین اظہار خیال کرتے ہوئے ان کا کہنا تھا جس طرح نیب کی کاروائی پر حکومتی ترجمانوں کی بیان بازی شروع ہو جاتی ہے اس سے تو یہ بات اب بچے بچے کو بھی سمجھ میں آرہی ہے حکومتی ایماء پر اپوزیشن کو اسمبلی سے باہر نکال کر نیب میں بند کرنے کی تیاریاں کی جا چکی ہیں۔
زاہد خان