لندن پولیس سے رہائی کے بعد الطاف حسین کی ویڈیو سامنے آگئی

لندن پولیس سے رہائی کے بعد الطاف حسین کی ویڈیو سامنے آگئی
لندن پولیس سے رہائی کے بعد الطاف حسین کی ویڈیو سامنے آگئی

  

لندن (ویب ڈیسک) بانی ایم کیو ایم الطاف حسین کو جنوبی لندن کے پولیس  سٹیشن میں دو گھنٹے کی تفتیش کے دوران سکاٹ لینڈ یارڈ کائونٹر ٹیررازم یونٹ کے ڈیٹیکٹیوز کے سوالات کے جواب دینے سے انکار کے بعد بدھ کی شام پولیس ضمانت پر رہا کر دیا گیا، رہائی کے بعد الطاف حسین کی ویڈیو بھی سامنے آگئی ۔

سوشل میڈیا پر وائرل ہونیوالی ویڈیو میں بانی ایم کیوایم کے چہرے پر پریشانی اور اداسی کے آثار واضح دکھائی دیئے جبکہ ان کے واپس پہنچنے پر دیگرمتحدہ رہنمائوں نے انہیں خوش آمدید کہتے ہوئے گلے لگایا۔ویڈیو دیکھئے 

جیونیوز کے مطابق  ان سے منگل کی شب برطانوی وقت کے مطابق10 تا12 بجے تفتیش کی گئی۔ لندن پولیس نے ان سے جو سوالات کئے، ان کا الطاف حسین نے کوئی جواب نہیں دیا۔ انہوں نے صرف اپنے نام، تاریخ پیدائش اور گھر کے پتے کی تصدیق کی۔ انہوں نے پولیس کی جانب سے پوچھے گئے تمام سوالات کا جواب دینے سے انکار کر دیا اور نو کمنٹ کا آپشن اختیار کیا۔ جیو نیوز کو ذرائع نے بتایا کہ کرائون پراسیکیوشن سروس (سی پی ایس) نے پولیس کو مشورہ دیا ہے کہ پراسیکیوٹرز کو پیش کی جانے والی فائل میں کافی شواہد موجود نہیں ہیں اور جب تک مزید شواہد پیش نہیں کئے جاتے، چارج نہیں کیا جا سکتا۔

رپورٹ کے مطابق الطاف حسین کے اپنے ہوم ایڈریس پر24 گھنٹے کی پولیس ضمانت اپلائی ہوگی اور وہ چھ ہفتے بعد اسی پولیس سٹیشن پر واپس آئیں گے ، ذرائع کے مطابق دورانِ تفتیش الطاف حسین کے وکلا بھی موجود تھے، جنہوں نے انہیں مشورہ دیا تھا کہ وہ پولیس کے سوالات کے جواب نہ دیں۔

مزید : برطانیہ