اسد خٹک نے بیوی سے صلح کا اعلان کردیا، وینا ملک کی سوشل میڈیا پر تصدیق

اسد خٹک نے بیوی سے صلح کا اعلان کردیا، وینا ملک کی سوشل میڈیا پر تصدیق
اسد خٹک نے بیوی سے صلح کا اعلان کردیا، وینا ملک کی سوشل میڈیا پر تصدیق

  

لاہور (ڈیلی پاکستان آن لائن) سابق اداکارہ وینا ملک اور ان کے شوہر اسد خان خٹک کے خلع کے کیس میں نیا اور اہم ترین موڑ آگیا۔ میاں بیوی کا جھگڑا ختم کرانے کیلئے اہم شخصیات متحرک ہوئیں تواسد خٹک نے بھی ٹوئٹر پر صلح کا اعلان کردیا جبکہ اس ٹویٹ کو ری ٹویٹ کرکے وینا ملک نے بھی پیامِ محبت پر مہرِ تصدیق ثبت کردی ۔

تفصیلات کے مطابق اداکارہ وینا ملک نے اپنے شوہر اسد خٹک سے یکطرفہ خلع لے لیا تھا جس کے بعد اہم شخصیات متحرک ہوئیں اور میاں بیوی میں صلح کرادی جس کا اسد خٹک نے سوشل میڈیا ویب سائٹ ٹوئٹر پر باقاعدہ اعلان بھی کردیا ہے۔ اسد خٹک نے ٹویٹ کیا ” الحمد للہ ، ہر چیز بہت جلد ٹھیک ہو جائے گی ، ان تمام لوگوں کا شکریہ جنہوں نے دعائیں دیں اور نیک خواہشات کا اظہار کیا، وینا تم میری دنیا ہو اور میں تمہیں بہت زیادہ پیار کرتا ہوں“۔

جب اسد خٹک نے ٹویٹ کیا تو اس کے چند ہی سیکنڈز بعد وینا ملک نے اسے ری ٹویٹ (شیئر) کرکے صلح کے پیغام کی صداقت کی گواہی دے دی ۔ دونوں کی جانب سے ٹویٹس کے وقت میں مماثلت دیکھ کر لگتا ہے کہ دونوں یہ پیغام جاری کرتے وقت ایک ہی جگہ موجود تھے۔

واضح رہے کہ کچھ روز پہلے وینا ملک نے لاہور کی فیملی کورٹ میں اپنے شوہر سے یکطرفہ خلع لے لیا تھا جس کے بعد بہت سے لوگوں نے ان کی صلح کیلئے کوششیں اور دعائیں شروع کردی تھیں۔اور اب ان کی صلح ہو جانے کے بعدمداح دعا گو ہیں کہ دونوں اپنی زندگی ہنسی خوشی گزریں ۔

وینا ملک کی جانب سے  ری ٹویٹ کیے جانے والے پیغام کا عکس

مزید :

تفریح -اہم خبریں -