قومی بیس بال ٹیم کا تربیتی کیمپ آئندہ ماہ لاہور میں لگایا جائے گا

قومی بیس بال ٹیم کا تربیتی کیمپ آئندہ ماہ لاہور میں لگایا جائے گا

اسلام آباد (اے پی پی) پاکستان بیس بال فیڈریشن کے زیراہتمام قومی ٹیم کا تربیتی کیمپ آئندہ ماہ لاہور میں لگایا جائے گا۔ قومی ٹیم کے ہیڈ کوچ مصدق حنیف نے بتایا کہ ایشین چیمپئن شپ کی تیاری کے سلسلہ میں لگایا جا رہا ہے یہ چیمپئن شپ رواں سال ستمبر میں تائیوان میں منعقد ہوگی جس میں6 ممالک کی ٹیمیں شرکت کریں گی جن میں پاکستان، جاپان، کوریا، تائیوان، چین اور فلپائن شامل ہیں اور چیمپئن شپ کی ٹاپ چار ٹیمیں عالمی بیس بال کپ کیلئے کوالیفائی کریں گی۔ انہوں نے کہا کہ ایشین چیمپئن شپ کی تیاری کیلئے قومی ٹیم کے 27 کھلاڑیوں کو مدعو کیا گیا ہے جن پاکستان آرمی، پاکستان واپڈا، ہائرایجوکیشن کمیشن، پاکستان پولیس، خیبرپختونخواہ، پنجاب اور اسلام آباد کے کھلاڑی شامل ہیں، ان کھلاڑیوں کو بیٹنگ کوچ سرفراز احمد، پچینگ کوچ بابر شیرازی اور فیلڈنگ کوچ احسن بلال تربیت دیں گے، جبکہ ہیڈکوچ کے فرائض مصدق حنیف خود انجام دیں گے۔

مزید : کھیل اور کھلاڑی