جعلی اکاﺅنٹس کیس ، ساتواں ریفرنسدادائر ، عبد الغنی مجید 4بیٹون سمیت ملزم نامزد

  جعلی اکاﺅنٹس کیس ، ساتواں ریفرنسدادائر ، عبد الغنی مجید 4بیٹون سمیت ملزم ...

  



اسلام آباد (مانیٹرنگ ڈیسک) جعلی اکاو¿نٹس کیس میں اہم پیشرفت، نیب راولپنڈی نے ساتواں ریفرنس دائر کر دیا۔نیب راولپنڈی نے گنے کے کاشتکاروں کی سبسڈی میں کرپشن کا ریفرنس احتساب عدالت میں دائر کر دیا۔ ریفرنس میں اومنی گروپ کے انور مجید اور دیگر ملزم نامزد کیا گیا، نیب کی جانب سے موقف اپنایا گیا کہ ملزمان نے کسانوں کےلئے دی گئی سرکاری سبسڈی میں کرپشن کی، اومنی گروپ کی 8 شوگر ملوں کو دی گئی سبسڈی میں 346 ملین روپے کا غبن ہو، خواجہ انور مجید اور ان کے بیٹوں نے سبسڈی میں جعلسازی کی۔نیب کی جانب سے دائر ریفرنس میں کہا گیا کہ اپنے ہی ملازمین کو جعلی کسان بنا کر انہیں رقوم تقسیم کی گئیں، سال 2014-15ءمیں سندھ حکومت نے کسانوں کےلئے 3 ارب 90 کروڑ کی سبسڈی دی، جوحقدار کسانوں کو ریلیف پہنچانے کےلئے تھی۔ ریفرنس میں عبدالغنی مجید، نمر مجید، خواجہ ذوالقرنین مجید اور علی کمال مجید شریک ملزم نامزد ہیں۔ ریفرنس میں استدعا کی گئی کہ ملزمان نیب آرڈیننس کے تحت کرپشن کے مرتکب ہوئے ہیں، ملزمان کو نیب آرڈیننس کے تحت سزا دی جائے۔

ساتواں ریفرنس دائر

مزید : صفحہ آخر