بچوں سے بداخلاقی، لائیو ویڈیو چلانے والے عالمی گینگ کا سرغنہ گرفتار

بچوں سے بداخلاقی، لائیو ویڈیو چلانے والے عالمی گینگ کا سرغنہ گرفتار

  



راولپنڈی  (آئی این پی)  بچوں سے بد اخلاقی اور لائیو ویڈیو چلانے والے عالمی گینگ کے سرغنہ کو گرفتار کرلیا گیا، ملزم اسی جرم میں بھی برطانیہ سزا کاٹ چکا ہے،ملزم نے پاکستان میں 30 بچوں کو بد اخلاقی کا نشانہ بنانے کا اعتراف کیا ہے۔تفصیلات کے مطابق راولپنڈی میں بچوں سے زیادتی اور لائیو ویڈیو چلانے والے عالمی گینگ کے سرغنہ کو گرفتار کرلیا گیا، سی پی او نے بتایا ملزم بچوں کو زیادتی کا نشانہ بنانے پر برطانیہ میں سزا کاٹ چکا ہے، سہیل ایاز عرف علی کو برطانوی حکومت نے اسی جرم میں بے دخل کیا تھا۔سی پی او کا کہنا تھا کہ ملزم اٹلی میں بھی بچوں سے زیادتی کے مقدمات میں ٹرائل بھگت چکا ہے، اٹلی سے بھی ملزم کو بے دخل کیا گیا، تھانہ روات کی حدود میں ملزم نے محنت کش بچے کو زیادتی کا نشانہ بنایا اور بچے سے زیادتی کی ویڈیو بھی بنائی۔فیصل رانا نے بتایا کہ ملزم نے پاکستان میں 30 بچوں کو زیادتی کا نشانہ بنانے کا اعتراف کیا، ملزم برطانیہ میں بچوں کے تحفظ کے ادارے میں ملازمت کرتا تھا، متاثرہ افراد وفاقی ادارے سے رجوع کرسکتے ہیں، سماجی دبا پر متاثرین مدعی نہ بنے تو پولیس مدعی بنے گی۔

بد اخلاقی/ گینگ

مزید : صفحہ اول