وائس چانسلر جی سی یو کی امریکہ میں پاکستانی سفیر کے ساتھ ملاقات

        وائس چانسلر جی سی یو کی امریکہ میں پاکستانی سفیر کے ساتھ ملاقات

  



لاہور(لیڈی رپورٹر)گورنمنٹ کالج یونیورسٹی کے لاہور وائس چانسلر پروفیسرڈاکٹر اصغرزیدی کی امریکہ میں پاکستانی سفیر ڈاکٹر اسد مجید خان سے ملاقات،اولڈ راوئینز نے بھی وائس چانسلر کے اعزاز میں اعشائیہ دیا۔وائس چانسلر پروفیسر اصغر زیدی امریکہ کے تین روزہ دورہ پر ہیں، جہاں ان کو امریکن نیشنل اکیڈمی آف میڈیسن نے ورکشاپ سے خطاب کرنے کے لیے مدعو کیا ہے۔ پاکستانی سفیر نے وائس چانسلر کو یقین دہانی کرائی کہ وہ جی سی یونیورسٹی کے امریکہ کی بہترین یونیورسٹیوں سے تحقیقی اور تدریسی روابط قائم کرنے کے لیے اپنا بھرپور کردار اد اکریں گے۔بعد ازاں اولڈ راوئینز کے اعشائیے میں پروفیسر جاوید اکرم شیخ نے وائس چانسلر کو گونمنٹ کالج کے حوالے سے اپنی نظم بطور تحفہ پیش کی۔

وائس چانسلر پروفیسر ڈاکٹر اصغر زیدی نے اس نظم کو جی سی یو کے عبدالسلام ہال میں آویزاں کرنے کا اعلان کیا تا کہ طلباء اس سے متاثر ہو سکیں۔

مزید : میٹروپولیٹن 1