دورہ بنگلہ دیش، پاکستان کرکٹ ٹیم ڈھاکہ پہنچ گئی

         لاہور(سپورٹس ڈیسک)پاکستان ٹی ٹوئنٹی اسکواڈ بنگلہ دیش سے سیریز کھیلنے کے لئے دبئی سے ڈھاکہ پہنچ گئی افتخار احمد لاہور سے  ڈھاکہ پہنچے ہیں جبکہ  قومی ٹیم اور مینجمنٹ چارٹر فلائٹ پر بنگلہ دیش پہنچے  تاہم محمد حفیظ اور بیٹنگ کنسلٹنٹ میتھیو ہیڈن اسکواڈ میں شامل نہیں ہیں، جب کہ کپتان بابر اعظم اور شعیب ملک 16نومبر کو بنگلہ دیش میں ٹیم جوائن کریں گے۔پاکستانی ٹیم بنگلہ دیش میں تین ٹونٹی میچ کھیلے گی، جو 19، 20 اور 22 نومبر کو ڈھاکا میں شیڈول ہیں، جب کہ دونوں ٹیموں کے مابین  ٹی ٹونٹی سیریز کے بعد دو ٹیسٹ میچ ہوں گے، جس کے لئے قومی ٹیسٹ ٹیم 22 نومبر کو لاہور سے بنگلہ دیش جائے گی۔