باجوڑ میں ڈیم کی سکیورٹی پر مامور پولیس اہلکاروں پر بم حملہ ، دو اہلکار شہید ہو گئے
باجوڑ ( ڈیلی پاکستان آن لائن) باجوڑ کی تحصیل سلارزی میں راغگان کے ڈیم پر مامور پولیس اہلکاروں پر بم حملہ ہوا جس میں دو پولیس اہلکار شہید ہو گئے ۔
نجی ٹی وی دنیا نیوز کے مطابق پولیس اہلکاروں پر ریموٹ کنٹرول بم حملہ کیا گیا، حملے سے متعلق مزید تفصیلات اکٹھی کی جا رہی ہیں ۔ پولیس اہلکاروں نے جائے وقوعہ کو گھیرے میں لے کر تفتیش شروع کر دی ہے ۔
شہید پولیس اہلکاروں میں ایک حوالدار اور ایک سپاہی شامل ہیں ۔
