دہشتگردوں سے نمٹنے کیلئے بلوچستان پولیس کو جدید اسلحہ فراہم

دہشتگردوں سے نمٹنے کیلئے بلوچستان پولیس کو جدید اسلحہ فراہم
دہشتگردوں سے نمٹنے کیلئے بلوچستان پولیس کو جدید اسلحہ فراہم

  


کوئٹہ(مانیٹرنگ ڈیسک) وفاقی حکومت نے دہشتگردوں سے مقابلے کے لئے بلوچستان پولیس کو جدید اسلحہ فراہم کردیا۔ بلوچستان حکومت نے دہشتگردوں سے مقابلے کے لئے وفاقی حکومت سے جدید اسلحے کی فراہمی کا مطالبہ کیا گیا تھا جس کے تحت صوبائی پولیس کو تین ہزار سب مشین گنیں، ایک ہزار ایم پی فائیو اور چار لاکھ سے زائد مختلف ہتھیاروں میں استعمال ہونے والی گولیاں فراہم کردی گئیں ہیں۔نجی ٹی وی چینل کے مطابق کوئٹہ میں دہشتگردوں کی جانب سے کی جانے والی کارروائیوں کے دوران یہ بات سامنے آئی تھی کہ پولیس کے پاس انتہاپسندوں کے مقابلے میں انتہائی پرانا اسلحہ ہے جس کی وجہ سے کئی مرتبہ دہشتگرد اپنی کارروائی کرنے میں کامیاب ہوگئے، جس کے بعد صوبائی وزارت داخلہ نے جدید اسلحے کی فراہمی کے لئے وفاق کو مراسلہ بھیجا تھا۔

مزید : کوئٹہ


loading...