کے الیکٹرک صارفین کیلئے بری خبر بجلی، 2.89روپے فی یونٹ مہنگی،نوٹیفکیشن جاری

کے الیکٹرک صارفین کیلئے بری خبر بجلی، 2.89روپے فی یونٹ مہنگی،نوٹیفکیشن جاری

  

 اسلام آباد (مانیٹرنگ ڈیسک) کراچی کے شہریوں کیلئے بری خبر، کے الیکٹرک صارفین کیلئے بجلی 2.89 روپے فی یونٹ تک مہنگی کر دی گئی۔پاور ڈویژن نے کے الیکٹرک صارفین کیلئے بجلی 1.09 سے 2.89 روپے فی یونٹ تک مہنگی کرنے کا نوٹفیکیشن جاری کر دیا ہے۔ کے الیکٹرک کی جانب سے بجلی مہنگی کرنے کا اطلاق یکم ستمبر2020 سے ہوگا۔ اس سے قبل گزشتہ ماہ نیپرا نے بجلی ایک روپے باسٹھ پیسے فی یونٹ مہنگی کرنے کی منظوری دی تھی، جس سے صارفین پر 165 ارب روپے کا اضافی بوجھ پڑے گا۔نیپرا نے اکتوبر 2019ء سے مارچ 2020ء تک کے دو سہ ماہی ایڈجسٹمنٹس کی مد میں بجلی مہنگی کرنے کا فیصلہ جاری کر دیا ہے۔ فیصلے کے مطابق بجلی ایک روپے باسٹھ پیسے فی یونٹ مہنگی کرنے کی منظوری دی گئی ہے۔نیپرا نے مالی سال 2019-20ء کی دوسری سہ ماہی یعنی اکتوبر سے دسمبر کیلئے صارفین پر 73 ارب روپے اور تیسری سہ ماہی جنوری سے مارچ کی مد میں 91 ارب 80 کروڑ روپے کا اضافی بوجھ ڈالنے کی منظوری دی۔نیپرا کی بجلی مہنگی کرنے کے فیصلے پر عملدرآمد حکومت کی جانب سے نوٹفیکیشن کے بعد ہوگا۔ فیصلے کا اطلاق کے الیکڑک صارفین پر نہیں ہوگا۔

کے الیکٹرک

مزید :

صفحہ آخر -