قومی ٹیم کے سابق سپنر ثقلین مشتاق اہلیہ سے شرط ہار گئے، کیا سزا ملی؟

قومی ٹیم کے سابق سپنر ثقلین مشتاق اہلیہ سے شرط ہار گئے، کیا سزا ملی؟
قومی ٹیم کے سابق سپنر ثقلین مشتاق اہلیہ سے شرط ہار گئے، کیا سزا ملی؟
کیپشن:    سورس:   Twitter

  

لاہور (ڈیلی پاکستان آن لائن) قومی کرکٹ ٹیم کے سابق آف سپنر ثقلین مشتاق اپنی شرط ہار گئے جس پر اہلیہ کی جانب سے انہیں کھانا پکانے کی انوکھی سزا دی گئی ہے۔

تفصیلات کے مطابق گزشتہ روز سابق کرکٹر ثقلین مشتاق نے سماجی رابطے کی ویب سائٹ ٹوئٹر پر ایک دلچسپ تصویر شیئر کرتے ہوئے اپنی اہلیہ سے شرط لگائی تھی کہ اس تصویر پر 5 ہزار ری ٹوئٹس، 20 ہزار لائکس اور 10 ہزار کمنٹس لازمی آئیں گے لیکن سابق کرکٹر شرط جیتنے میں کامیاب نہ ہوسکے۔

 اس ضمن میں ثقلین مشتاق نے ٹوئٹر پر اپنے اس ٹوئٹ کا سکرین شارٹ شیئر کیا ہے جس پر انہوں نے اہلیہ سے شرط لگائی تھی جبکہ سکرین شاٹ میں دیکھا جا سکتا ہے کہ ان کی تصویر پر 7 ہزار سے زائد ری ٹوئٹس، 43ہزار سے زائد لائکس آئے ہیں جبکہ کمنٹس صرف 3 ہزار سے زائد آئے ہیں جس کا مطلب یہ ہے کہ وہ اپنی شرط ہار چکے ہیں۔ ثقلین مشتاق نے اپنے مداحوں کا شکریہ ادا کرتے ہوئے لکھا کہ ”آپ سب کے تعاون کیلئے بے حد شکریہ، یہ بہت افسوس کی بات ہے کہ میں شرط ہار گیا ہوں اور اب مجھے سزا کے طور پر ایک ہفتے تک کھانا پکانا پڑے گا۔“ 

واضح رہے کہ گزشتہ روز ثقلین مشتاق نے ایک انوکھی تصویر شیئر کی تھی جس میں وہ اپنی اہلیہ پر توپ سے وار کرتے نظر آ رہے تھے۔ ٹوئٹر پر شیئر کی گئی تصویر میں ثقلین مشتاق کی اہلیہ کا چہرہ نظر نہیں آ رہا تھا جبکہ تصویر میں دکھائی گئی توپ بھی نقلی تھی اور سابق کرکٹر ایسے اداکاری کر رہے تھے کہ جیسے وہ اس توپ سے اپنی اہلیہ پر وار کر رہے ہوں۔

ثقلین مشتاق نے ٹوئٹر پر تصویر شیئر کرتے ہوئے لکھا تھا کہ میں نے اپنی اہلیہ سے کہا تھا کہ اس تصویر پر 5 ہزار ری ٹوئٹس، 20 ہزار لائکس اور 10 ہزار کمنٹس لازمی آئیں گے اور اب دیکھنا یہ ہے کہ میں یہ شرط جیتتا ہوں یا ہار جاﺅں گا۔ 

مزید :

کھیل -