امریکہ کی جانب سے یوکرین کو ٹام ہاک کروز میزائلوں کی فراہمی، روس کا رد عمل آ گیا

  ماسکو ( مانیٹرنگ ڈیسک ) روس نے یوکرین کو ٹام ہاک کروز میزائلوں کی فراہمی پر اعتراض کر دیا ۔
’’جنگ ‘‘ کے مطابق کریملن کے ترجمان دمتری پیسکوف نے یوکرین کو امریکی طویل فاصلے پر مار کرنے والے ٹام ہاک کروز میزائل کی فراہمی پرردِعمل دیتے ہوئے کہا کہ حقیقت میں یہ ایک ڈرامائی انداز سے تناؤ میں اضافہ ہورہا ہے۔  امریکہ کی جانب سے یوکرین کو ٹام ہاک کروز میزائلوں کی فراہمی پر ہمیں اعتراض ہے۔

یاد دلاتے چلیں ٹام ہاک کروز میزائل ایک طویل فاصلے پر مار کرنے والا کروز میزائل ہے۔ امریکہ نے یہ میزائل خلیج کی جنگ میں عراق کے خلاف استعمال کیے تھے، حال ہی میں امریکہ  نے میزائل یمن میں حوثی قبائل کے خلاف بھی استعمال کیے تھے۔

ٹام ہاک ایک جدید میزائل ہے اور اس کے مختلف ورژن امریکی اسلحہ خانے میں موجود ہیں، تاہم ابھی یہ واضح نہیں کہ امریکہ  یوکرین کو کونسا ورژن فراہم کرے گا۔