تپ دق کے مریضوں کا ایڈز ٹیسٹ بھی کرانے کا فیصلہ

تپ دق کے مریضوں کا ایڈز ٹیسٹ بھی کرانے کا فیصلہ

 لاہور ( جنرل رپورٹر)پراونشل ٹی بی کنٹرول پروگرام پنجاب کی ڈائریکٹر ڈاکٹر زرفشاں طاہر نے کہا ہے کہ وزیر صحت پنجاب کی ہدایت کے مطابق آئندہ سے تب دق کے مریض کا ایچ آئی وی ایڈز ٹیسٹ بھی کرنے کا فیصلہ کیا ہے،Comorbidityکی وجہ سے ٹی بی کے مریض کو دیگر امراض بھی ہوسکتے ہیں،پراونشل ڈائریکٹر ٹی بی کنٹرول پروگرام نے مزیدکہا کہ محرم الحرام کے بعد پروگرام کی ٹیمیں جنوبی پنجاب کے اضلاع میں سکریننگ کیمپس لگائیں گی۔ انہوں نے یہ بات ایک مقامی ہوٹل میں پنجاب ٹی بی کنٹرول پروگرام کے تحت دو روزہ انٹرڈسٹرکٹ اجلاس کی صدارت کرتے ہوئے کہی۔ اجلاس میں ایڈیشنل ڈائریکٹر ڈاکٹر آصف، ڈاکٹر جویریہ، ڈاکٹر ایوب راجہ ، منیجر پارٹنرشپ ڈویلپمٹ گلوبل فنڈ زبیر احمد کے علاوہ ڈسٹرکٹ ٹی بی کوارڈینیٹرز اور ڈسٹرکیٹ لیب سپروائزر نے شرکت کی۔ اجلاس میں ضلع کی سطح پر تپ دق کی بیماری کی روک تھام ، مرض کی تشخیص و علاج کی سہولیات ، نئے مریضوں کی تلاش اور مزاحمتی تپ دق کے مریضوں کے علاج کی سہولیات بارے جائزہ لیا گیااجلاس دو دن جاری رہا ۔ڈاکٹر زرفشاں طاہر کا کہنا تھا کہ جنوبی پنجاب میں تپ دق کی روک تھام کے حوالے سے زیادہ کام کرنے کی ضرورت ہے، مرض کو کنٹرول کرنے کے لئے خصوصی اقدامات کئے جائیں گے۔ڈاکٹر زرفشاں طاہر کا کہنا تھا کہ ٹی بی کے مریضوں کے HIVٹیسٹ کیلئے کٹس پنجاب ایڈز کنٹرول پروگرام فراہم کرے گا۔

تپ دق

مزید : میٹروپولیٹن 1