آمدنی سے زائد اثاثے، اسحق ڈار کیخلاف بیان ریکارڈ مکمل نہ ہوسکا

آمدنی سے زائد اثاثے، اسحق ڈار کیخلاف بیان ریکارڈ مکمل نہ ہوسکا

اسلام آباد(سٹاف رپورٹر ) سابق وزیر خزانہ اسحا ق ڈار کیخلاف آمدنی سے زائد اثاثہ جات کے ضمنی ریفرنس کی سماعت 19 ستمبر تک ملتوی کردی گئی۔تفصیلات کے مطابق سابق وزیر خزانہ اسحاق ڈار کیخلاف آمدنی سے زائد اثاثہ جات کے ضمنی ریفرنس پر سماعت ہوئی۔سماعت کے دوران استغاثہ کے گواہ طارق سلیم کا بیان مکمل ریکارڈ نہ ہوسکا۔ عدالت نے مزید دستاویزات کے ہمراہ انہیں آئندہ سماعت پر طلب کر لیا۔استغاثہ کے دوسرے گواہ محسن نے اپنا بیان قلمبند کروایا۔ انہوں نے ملزم سعید احمد کی بینک اکاونٹ کی تفصیلات پر بیان ریکارڈ کروایا۔وکیل صفائی استغاثہ کے دوسرے گواہ محسن پر جرح اگلی سماعت پر کریں گے۔ریفرنس پر مزید سماعت 19 ستمبر تک ملتوی کردی گئی جس میں گواہ طارق سلیم اور محسن کو پھر سے طلب کیا گیا ہے۔

مزید : صفحہ اول