مل ہی جائے گا کبھی، دل کو یقیں رہتا ہے| احمد مشتاق|
مل ہی جائے گا کبھی، دل کو یقیں رہتا ہے
وہ اسی شہر کی گلیوں میں کہیں رہتا ہے
جس کی سانسوں سے مہکتے تھے در و بام ترے
اے مکاں بول، کہاں اب وہ مکیں رہتا ہے
اِک زمانہ تھا کہ سب ایک جگہ رہتے تھے
اور اب کوئی کہیں کوئی کہیں رہتا ہے
روز ملنے پہ بھی لگتا تھا کہ جگ بیت گئے
عشق میں وقت کا احساس نہیں رہتا ہے
دل فسردہ تو ہوا دیکھ کے اس کو لیکن
عمر بھر کون جواں، کون حسیں رہتا ہے
شاعر: احمد مشتاق
(شعری مجموعہ:گردِ مہتاب،سالِ اشاعت1981)
Mill Hi Jaaey Ga kabhi Ham Ko Yaqeen Rehta Hay
Wo Isi Shehr Ki Galion Men Kahen Rehta Hay
Jiss Ki Sanson Say Mahaktay Thay Dar -o- Baam Tiryay
Ay Makaan Bol , Kahan Ab Wo Makeen Rehta Hay
Ik Zamaana Tha Keh Sab Aik Jagah Rehtay Thay
Aor Ab Koi Kahen , Koi Kahen Rehta Hay
Roz Milnay Pe Bhi Lagta Tha Keh Jug Beet Gaey
Eshq Men Waqt Ka Ehsaas Nahen Rehta Hay
Dil Fasurda To Hua Dekh K Uss Ko Lekin
Umr Bhar Kon Jawaan , Kon Haseen Rehta Hay
Poet: Ahmad Mushtaq