کہیں امید سی ہے دل کے نہاں خانے میں | احمد مشتاق|
کہیں امید سی ہے دل کے نہاں خانے میں
ابھی کچھ وقت لگے گا اِسے سمجھانے میں
موسمِ گل ہو کہ پت چھڑ ہو بلا سے اپنی
ہم کہ شامل ہیں نہ کھلنے میں نہ مرجھانے میں
ہم سے مخفی نہیں کچھ راہگزرِ شوق کا حال
ہم نے اک عمر گزاری ہے ہوا کھانے میں
ہے یوں ہی گھومتے رہنے کا مزا ہی کچھ اور
ایسی لذّت نہ پہنچنے میں نہ رہ جانے میں
نئے دیوانوں کو دیکھیں تو خوشی ہوتی ہے
ہم بھی ایسے ہی تھے جب آئے تھے ویرانے میں
موسموں کا کوئی محرم ہو تو اس سے پوچھوں
کتنے پت جھڑ ابھی باقی ہیں بہار آنے میں
شاعر: احمد مشتاق
(شعری مجموعہ:گردِ مہتاب،سالِ اشاعت1981)
Kahen Umeed Si Hay Dil K Nihaan Khaanay Men
Abhi Kuch Waqt Lagay Ga Isay Samjhaanay Men
Mosam -e- Gul Ho Keh Patjharr Ho Balaa Say Apni
Ham Keh Shaamil Hen Na Khilnay Men Na Murjhaanay Men
Ham Say Makhfi Nahen Kuch Rehguzar -e- Shaiq Ka Haal
Ham Nay Ik Umr Guzaari Hay Hawaa Khaanay Men
Hay Yunhi Ghoomtay Rehnay Ka Maza Hi Kuch Aor
Aisi Lazzat Na Pahunchnay Men Na Reh Jaanay Men
Naey Dewaanon Ko Dekhen To Khushi Hoti Hay
Ham Bhi Aisay Hi Thay Jab Aaey Thay Weraanay Men
Mosamon Ka Koi Mahram Ho To Uss Say Poochun
Kitnay Patjharr Abhi Baaqi Hen Bahaar Aanay Men
Poet: Ahmad Mushtaq