خیر اوروں نے بھی چاہا تو ہے تجھ سا ہونا | احمد مشتاق|
خیر اوروں نے بھی چاہا تو ہے تجھ سا ہونا
یہ الگ بات کہ ممکن نہیں ایسا ہونا
دیکھتا اور نہ ٹھہرتا تو کوئی بات بھی تھی
جس نے دیکھا ہی نہیں اس سے خفا کیا ہونا
تجھ سے دوری میں بھی خوش رہتا ہوں پہلے کی طرح
بس کسی وقت برا لگتا ہے تنہا ہونا
یوں میری یاد میں محفوظ ہیں تیرے خد و خال
جس طرح دل میں کسی شے کی تمنا ہونا
زندگی معرکۂ روح و بدن ہے مشتاقؔ
عشق کے ساتھ ضروری ہے ہوس کا ہونا
شاعر: احمدمشتاق
(شعری مجموعہ:گردِ مہتاب،سالِ اشاعت1981)
Khair Aoron Nay Bhi Chaaha To Hay Tujh Sa Hona
Yeh Alag Baat Keh Mumkin Nahen Aisa Hona
Dekhta Aor Na Thahirta To Koi Baat Bhi Thi
Jiss Nay Dekha Hi Nahen Uss Say Khafa Kaya Hona
Tujh Say Doori Men Bhi Khush Rehta Hun Pehlay Ki Tarah
Bass Kisi Waqt Bura Lagta Hay Tanha Hona
Yun Miri Yaad Men Mehfooz Hen Tiray Khad -o-Khaal
Jiss Traah Dil Men Kisi Shay Ki Tamanna Hona
Zindagi Maarka -e- Rooh -o-Badan Hay MUSHTAQ
Eshq K Saath Zaroori Hay Hawas Ka Hona
Poet: Ahmad Mushtaq