دور برگد کی چھاؤں میں خاموش و ملول| اختر الایمان |
جس جگہ رات کے تاریک کفن کے نیچے
مسجد
دور برگد کی چھاؤں میں خاموش و ملول
جس جگہ رات کے تاریک کفن کے نیچے
ماضی و حال،گنہگار نمازی کی طرح
اپنے اعمال پہ رو لیتے ہیں چپکے چپکے
ایک ویران سی مسجد کاشکستہ سا کلس
پاس بہتی ہوئی ندی کو تکاکرتا ہے
اور ٹوٹی ہوئی دیوار پہ چنڈول کبھی
گیت پھیکا سا کوئی چھیڑ دیا کرتا ہے
گرد آلود چراغوں کوہوا کے جھونکے
روز مٹی کی نئی تہہ میں دبا جاتے ہیں
اور جاتے ہوئے سورج کے وداعی انفاس
روشنی آکے دریچوں کی بجھا جاتے ہیں
حسرتِ شام و سحر بیٹھ کے گنبد کے قریب
ان پریشان دعاؤں کو سنا کرتی ہے
جو ترستی ہی رہیں رنگِ اثر کی خاطر
اور ٹوٹا ہوا دل تھام لیاکرتی ہے
یا ابابیل کوئی آمدِ سرما کے قریب
اس کو مسکن کے لیے ڈھونڈ لیا کرتی ہے
اور محرابِ شکستہ میں سمٹ کر پہروں
داستاں سرد ممالک کی کہا کرتی ہے
ایک بوڑھا گدھا دیوار کے سائے میں کبھی
اونگھ لیتاہے ذرا بیٹھ کے جاتے جاتے
یا مسافر کوئی آ جاتاہے، وہ بھی ڈر کر
ایک لمحے کو ٹھہر جاتا ہے آتے آتے
فرش جاروب کشی کیا ہے سمجھتا ہی نہیں
کالعدم ہو گیا تسبیح کے دانوں کا نظام
طاق میں شمع کے آنسو ہیں ابھی تک باقی
اب مصلیٰ ہے ، نہ منبر، نہ مؤذن نہ امام
آ چکے صاحبِ افلاک کے پیغام و سلام
کوہ و در اب نہ سنیں گے وہ صدائے جبریل
اب کسی کعبہ کی شاید نہ پڑے گی بنیاد
کھو گئی دشتِ فراموشی میں آوازِ خلیل
چاند پھیکی سی ہنسی ہنس کے گزر جاتا ہے
ڈال دیتے ہیں ستارے دُھلی چادراپنی
اس نگارِ دلِ یزداں کے جنازے پہ ، بس اک
چشم نم کرتی ہے شبنم یہاں اکثر اپنی
ایک میلا سا، اکیلا سا، فسردہ سا دِیا
روز رعشہ زدہ ہاتھوں سے کہا کرتا ہے
تم جلاتے ہو ، کبھی آکے بجھاتے بھی نہیں
ایک جلتاہے مگر ایک بجھاکرتا ہے
تیز ندی کی ہر اک موج طلاطم بردوش
چیخ اٹھتی ہے وہیں دُور سے ،فانی فانی
کل بہالوں گی تجھے توڑ کے ساحل کی قیود
اور گنبد و مینار بھی پانی پانی
شاعر: اخترالایمان
(شعری مجموعہ:گرداب،سالِ اشاعت1943)
Door Bargad K Ghani Chhaaon Men Khamosh o Malool
Jis Jagah Raat Keh Tareek Kafan Kay Neechay
Maazi -o- Haal Gunahgaar Namazi Ki Tarah
Apnay Amaal Pe Ro Letay Hen Chupkay Chupkay
Ik Veeran Si Masjid Ka Shikasta Sa Kalas
Paas Bahti Hui Naddi Ko Taka Karta Hay
Aor Tooti Hui Dewaar Pe Chandol Kabhi
Geet Pheeka Sa Koi Chhairr Daya Karta Hay
Gard-Alood Charaghon Ko Hawa Kay Jhaonkay
Roz Matti Ki Nai Teh Men Daba Jaati Hen
Aor Jaatay Huay Suraj Kay vidaai Anfaas
Raushni Aa K Dareechon Ki Bujha Jaati Hen
Hasrat-e-Shaam-o-Sahar Beth K Gumbad K Qareeb
In Pareshaan Duaon Ko Suna Karti Hay
Jo Tarasti Hi Rahen Rang -e-Asar Ki Khaatir
Aor Toota Hua Dil Thaam Laya Karti Hay
Ya Ababeel Koi Aamad-e-Sarma K Qareeb
Uss Ko Maskan K Liay Dhoond Lia Karti Hay
Aor Meraab-e-Shikasta Men Simat Kar Pahron
Daatstaan Sard Mumaalik Ki Kaha Karti Hay
Ik Boorrha Gadha Derwaar K Saaey Men Kabhi
Oongh Leta Hay Zara Baith K Jaatay Jaaty
Ya Musaafir Koi Aa Jaataa Hay , Wo Bhi Dar Kar
Ik Lamhay Ko Thahir Jaata Hay Aatay Aatay
Farsh Jaroob Kashi Kaya Hay Samjhta Hi Nahen
Kaal Adam Ho Gaya Tasbeh K Daanon Ka Nizaam
Taaq Men Shama K Aansu Hen Abhi Tak Baaqi
Ab Musalla Hay , Na Mimbar , Na Muazzin , Na Imaam
Aa Chukay Sahib-e-Aflaak K Paighaam -o- Slaam
Koh -o -Dar Ab Na Sunen Gay Wo Sadaa-e-JIBREEL
Ab Kisi Kaabay Ki Ahayad Na Parray Gi Bunyaad
Kho Gai Dasht-e-Faramoshi Men Awaaz -e- KHALIL
Chaand Pheeki Si Hansi Hans K Guzar Jaata Hay
Daal Detay Hen Sitaaray Dhuli Chaadar Apni
Iss Nigaar -e- Dil -e-Yazdaan K Janazay Pe Bass Ik
Chashm Nam Karti Hay Shabnam Yahan Aksar Apni
Aik Maila Sa , Akaila Sa , Fasurda Sa Diya
Roz Rasha Zada Haathon Say Kaha Karta Hay
Tum Jalaatay Ho Kabhi Aa K Bujhatay Bhi Nahen
Ik Jalta Hay Magar Ik Bujha Karta Hay
Tez Nadi Ki Har Ik Moj-e- Taatum Bardosh
Cheekh Uthti Hay Wahen Door Say Faani Faani
Kall Bahaa Lun Gi Tujhay Torr K Saahil Ki Qayood
Aor Phir Gunbad -o- Minaar Bhi Paani Paani
Poet:Akhatar ul Eman
