کنٹونمنٹ بورڈ انتخابات، پی ٹی آئی کے 63،ن لیگ کے 59، پیپلزپارٹی کے 17امیدوار کامیاب ، غیر حتمی ، غیر سرکاری نتائج

کنٹونمنٹ بورڈ انتخابات، پی ٹی آئی کے 63،ن لیگ کے 59، پیپلزپارٹی کے 17امیدوار ...
کنٹونمنٹ بورڈ انتخابات، پی ٹی آئی کے 63،ن لیگ کے 59، پیپلزپارٹی کے 17امیدوار کامیاب ، غیر حتمی ، غیر سرکاری نتائج

  

اسلام آباد ( ڈیلی پاکستان آن لائن ) کنٹونمنٹ بورڈ کے انتخابات میں غیر حتمی ، غیر سرکاری نتائج کے مطابق پاکستان تحریک انصاف بازی لے گئی ، پی ٹی آئی نے 219 میں سے 63وارڈز کامیابی حاصل کی ، پاکستان مسلم لیگ ن کے 59جبکہ پیپلزپارٹی کے 17امیدوار کامیاب ہوئے ۔52آزاد امیدوار بھی اپنے حلقے کے عوام کا اعتماد جیتنے میں کامیاب رہے ۔

نجی ٹی وی جیو نیوز کے مطابق ایم کیو ایم پاکستان کے 10، جماعت اسلامی کے 7 بلوچستان عوامی پارٹی ( باپ) اور عوامی نیشنل پارٹی ( اے این پی ) کے دو، دو امیدوار کامیاب ہوئے ۔

پنجاب میں پارٹی پوزیشن 

غیر حتمی ، غیر سرکاری نتائج کے مطابق پنجاب میں مسلم لیگ ن کے 51امیدوار کامیاب ہوئے ، دوسرے نمبر پر آزاد امیدوار رہے جنہوں نے 32نشستیں حاصل کیں، حکمران جماعت پاکستان تحریک انصاف28 وارڈز میں کامیابی حاصل کر سکی ، دو آزاد امیدوار بھی عوام کا اعتماد جیتنے میں کامیاب ہوئے ۔ پنجاب میں پیپلزپارٹی کا کوئی امیدوار کامیاب نہیں ہوا۔

سندھ میں پارٹی پوزیشن 

کنٹونمنٹ بورڈ کے انتخابات میں سندھ میں تحریک انصاف اور پیپلزپارٹی کے 14،14امیدوار کامیاب ہوئے ، ایم کیو ایم کے دس ، سات آزاد امیدوار ، جامعت اسلامی کے پانچ اور مسلم لیگ ن کے تین امیدوار کامیاب ہوئے ۔

خیبرپختونخوا میں پارٹی پوزیشن 

کنٹونمنٹ بورڈ کے انتخابات میں خیبرپختونخوا میں تحریک انصاف کے 18 امیدوار کامیاب ہوئے ، 9آزاد امیدواروں نے فتح حاصل کی جبکہ مسلم لیگ ن نے پانچ وارڈز میں کامیابی حاصل کی ، پاکستان پیپلزپارٹی کے تین جبکہ اے این پی کے دو امیدوار کامیاب ہوئے ۔

بلوچستان میں پارٹی پوزیشن 

کنٹونمنٹ بورڈ کے انتخابات میں بلوچستان میں تحریک انصاف تین ، آزاد امیدوار چار، بی اے پی کے دو امیدوار کامیاب ہوئے ۔ بلوچستان میں مسلم لیگ ن اور پیپلزپارٹی کا کوئی امیدوار کامیاب نہ ہو سکا۔

مزید :

اہم خبریں -سیاست -