شہباز ، نثار دوسری ملاقات ، سیاسی صورتحال ، پارٹی امور پر تبادلہ خیال

شہباز ، نثار دوسری ملاقات ، سیاسی صورتحال ، پارٹی امور پر تبادلہ خیال

لاہور ( جنرل رپورٹر )وزیر اعلیٰ پنجاب اور مسلم لیگ ن کے صدر شہباز شریف سے سابق وفاقی وزیر داخلہ چودھری نثار علی خاں نے ماڈل ٹاؤن میں ملاقات کی ہے۔ذرائع کے مطابق دونوں رہنماؤں کے درمیان ملاقات 2 گھنٹے جاری رہی جس میں ملکی سیاسی صورتحال اور پارٹی امور پر تبادلہ خیال کیا گیا۔ذرائع کے مطابق ملاقات میں نواز شریف کی تاحیات نااہلی کے فیصلے پر تبادلہ خیال کیاگیا ، شہباز شریف کے دورہ کراچی پر بھی گفتگو ہوئی۔مسلم لیگ ن کا صدر منتخب ہونے کے بعد شہباز شریف پہلی بار سندھ کے دورے کے لیے کراچی پہنچ رہے ہیں۔ذرائع کے مطابق ملاقات میں پارٹی کے اندر مخالفانہ بیان بازی کا معاملہ بھی زیر بحث آیا ۔

نثار ملاقات

لاہور(جنرل رپورٹر)پاکستان مسلم لیگ(ن) کے صدر اور وزیر اعلی پنجاب محمد شہباز شریف نے کہا ہے تعلیم کے میدان میں ہمارے بے مثال اقدامات کے مثبت اور نتیجہ خیزنتائج سامنے آئے ہیں۔ تعلیمی شعبہ میں نمایاں کامیابیوں کے ثمرات سے لاکھوں طلباء و طالبات مستفید ہوئے ہیں۔ شعبہ تعلیم میں انقلابی اقدامات کر کے کم وسیلہ طلباء وطالبات کو ان کا حق دیا گیا ہے۔ پنجاب ایجوکیشنل انڈومنٹ فنڈجیسے غیر معمولی اور منفرد پروگرام کے ذریعے لاکھوں ہیروں کو تراشا گیا ہے۔ آج ہزاروں طلباء و طالبات اس پروگرام کی وساطت سے تعلیم مکمل کر کے عملی میدان میں کامیابیوں کے جھنڈے گاڑ رہے ہیں ۔ پنجاب ایجوکیشنل انڈومنٹ فنڈ کے ذریعے اربوں روپے کے تعلیمی وظائف طلباء و طالبات میں تقسیم کئے جا چکے ہیں۔ ان تعلیمی وظائف کے ذریعے کم وسیلہ طلباء و طالبات کو اعلی تعلیم کا حق دیا گیا ہے۔ اس پروگرام میں دیگر صوبوں کے ہونہار کم وسیلہ طلباء و طالبات کو بھی شامل کیا گیا ہے اور پنجاب حکومت کے اس اقدام سے قومی یکجہتی کو فروغ ملا ہے۔ اللہ تعالی نے عام انتخابات میں کامیابی دی تو تعلیمی فنڈ کا دائرہ کار پاکستان بھر میں پھیلائیں گے اور جس طرح یہ پروگرام پنجاب میں جاری و ساری ہے اسی طرح خیبر پختونخوا ، سندھ اور بلوچستان میں بھی تعلیمی وظائف کا اجراء کریں گے۔ زرداری اور نیازی دونوں کو پانچ برس کے دوران طلباء و طالبات کیلئے ایسا پروگرام شروع کرنے کی توفیق نہیں ہوئی تاہم مسلم لیگ( ن) ہی اس پروگرام کو آگے بڑھائے گی اور قائداعظمؒ کے وژن کے مطابق پاکستان کو عظیم تر بنائے گی۔ وہ صوبائی وزیر حمید ہ وحید الدین اورمسلم لیگ(ن) کے رہنماء و سابق ایم این اے سردار غلام عباس سے گفتگو کررہے تھے ،جنہوں نے ان سے ملاقات کی۔

مزید : صفحہ اول