کمشنر ڈیرہ کی زیر صدارت ارکان اسمبلی کی مشاورتی ویڈیو لنک کانفرنس

  کمشنر ڈیرہ کی زیر صدارت ارکان اسمبلی کی مشاورتی ویڈیو لنک کانفرنس

  

ڈیرہ غازیخان (ڈسٹرکٹ بیورورپورٹ‘سٹی رپورٹر) کمشنرڈیرہ غازیخان ڈویژن ساجد ظفر کی زیر صدارت پارلیمنٹیرینز کی مشاورتی ویڈیو لنک کانفرنس منعقد ہوئی جس میں آر پی او عمران احمر،ڈپٹی کمشنر طاہر فاروق،ڈی پی او اختر فاروق کے علاوہ وزیر مملکت زرتاج گل وزیر،مشیر وزیر اعلی پنجاب محمد حنیف پتافی،ایم پی اے سردار جاوید اختر لنڈاور دیگر موجود تھے راجنپور،مظفر گڑھ اور لیہ اضلاع کے اراکین اسمبلی،ڈپٹی کمشنرز،ڈی پی اوز نے ویڈیو لنک کے(بقیہ نمبر28صفحہ6پر)

ذریعے کانفرنس میں شرکت کی. ویڈیو لنک کانفرنس میں کورونا وائرس،احساس کفالت پروگرام، ڈینگی،رمضان بازار،گندم خریداری مہم، ڈینگی،ٹڈی دل کا جائزہ لینے کے ساتھ بہتری کیلئے مشاورت کی گئی۔اراکین قومی و صوبائی اسمبلی نے ملک بالخصوص ڈویژن سے کورونا وائرس کے خاتمہ کیلئے ملکر کام کرنے کا عزم ظاہر کیا۔ کانفرنس میں احساس کفالت پروگرام میں حقداروں کی تلفی پر کارروائی جاری رکھنے کا فیصلہ کیا گیا۔وزیر مملکت زرتاج گل وزیر،مشیر وزیر اعلی محمد حنیف پتافی،اراکین اسمبلی،ڈویژنل انتظامیہ نے کہا کہ لاک ڈاون اور دفعہ 144 پر سختی سے عمل درآمد کرایا جائے۔احساس کفالت سنٹرز میں سماجی فاصلوں اور دیگر احتیاطی تدابیر پر عمل کرایا جائے۔وزیر مملکت زرتاج گل وزیر نے کہا کہ کورونا وائرس کی روک تھام اور زائرین کی دیکھ بھال کیلئے اچھے انتظامات دیکھے گئے احساس پروگرام میں ہر ٹرانزیکشن کا ریکارڈ چیک کرکے نوسر بازوں کی گرفتاریاں عمل میں لائی جائیں۔ ڈی جی خان ڈویژن میں اچھا ٹیم ورک ہے بیورو کریسی احسن انداز میں کام کر رہی ہے ڈیرہ غازیخان پہلا قرنطینہ بنا. تجربہ نہ ہونے کے باوجود معاملات کو احسن انداز میں چلایا گیا.انہوں نے کہا کہ وائرس کی مقامی افراد میں منتقلی پر تشویش ہے.وجوہات جاننے سمیت موثر حکمت عملی اپنائی جائے. پرائس کنٹرول کمیٹیاں فعال کرنے کے ساتھ ماہ صیام میں بہتر کام کیلئے امن کمیٹی اور علماء سے مشاورت کی جائے. مشیر صحت محمد حنیف پتافی نے کہا کہ ٹیچنگ ہسپتال میں زیر تنصیب بی ایس ایل تھری لیب کو جلد فنکشنل کرایا جائیگا۔ بی ایس ایل تھری لیب کے قیام سے کورونا وائرس کے ٹیسٹ کی سہولت مقامی طور پر حاصل ہوگی۔انہوں نے کہاکہ کارپوریشن کے ذریعے ہسپتال، سبزی منڈی میں ڈس انفیکشن مہم شروع کی جائے. ڈینگی سے بچاؤ کیلئے سرکاری دفاتر، عمارتوں، تالابوں اور چھتوں کی صفائی کی جائے. گندم کی سمگلنگ اورذخیرہ اندوزی روکنے کیلئے چیک پوسٹوں کو فعال کرنے کے ساتھ متحرک کردارادا کرنا ہو گا. ایم پی اے سردار جاوید اختر لنڈ نے کہا کہ کورونا اور احساس پروگرام کے ساتھ ساتھ رودکوہیوں میں طغیانی اور ترقیاتی منصوبوں کو سامنے رکھتے ہوئے کام کیا جائے.

کانفرنس

مزید :

ملتان صفحہ آخر -