فلم انڈسٹری کے نامور اداکار سیّد اسد بخاری انتقال کر گئے

فلم انڈسٹری کے نامور اداکار سیّد اسد بخاری انتقال کر گئے
فلم انڈسٹری کے نامور اداکار سیّد اسد بخاری انتقال کر گئے

  

لاہور (ویب ڈیسک) پاکستان فلم انڈسٹری کے ماضی کے عظیم ادار سیّد اسد بخاری انتقال کر گئے۔دنیا نیوز کے مطابق فلم انڈسٹری کے نامور اداکار سیّد اسد بخاری انتقال کر گئے، اسدبخاری کی نماز جنازہ آج شام ان کی رہائش گاہ گلبرگ لاہورمیں ادا کی جائے گی۔

سینئر اداکار اسد بخاری1924 ءمیں ضلع گوجرانوالہ کے قریبی قصبے گکھڑ میں پیدا ہوئے، ان کا اصل نام سید اعجاز الحسن بخاری تھا، ان کے والد حکیم تھے، انہیں سب سے پہلے فلمساز و ہدایت کار شباب کیرانوی نے اپنی فلم” ثریا“ میں موقع دیا۔اسد بخاری نے اردو فلموں سے اپنا فلمی سفر شروع کیا اور اس کے بعد پنجابی فلموں میں ولن کے طور پر جلوہ گر ہوئے اور بہت شہرت حاصل کی،انہوں نے ذاتی فلمیں بھی بنائیں اور کچھ فلموں کی ہدایت کاری بھی کی۔

مظہر شاہ کے بعد سب سے زیادہ مقبول ولن اسد بخاری ہی تھے اور مظہر شاہ کی بڑھکوں کے بعد ان کی بڑھکیں زبان زدعام ہوئیں۔70 کی دہائی میں وہ کچھ پنجابی فلموں میں ہیرو کے طور پر بھی آئے۔مشہور فلموں میں آسو بلا ،بلا چمپئن ، خان زادہ اور اکیلا“شامل ہیں، ان کی ذاتی فلم ”دلاں دے سودے“بھی سپر ہٹ ثابت ہوئی ، ”میں اکیلا “اردو فلم تھی لیکن یہ فلم باکس آفس پر کامیابی سے ہمکنار نہ ہو سکی۔

مزید :

تفریح -