کلائمٹ چینج کی عالمی کانفرنس میں پاکستان کو مدعو کیا جائے،شیلا جیکسن 

کلائمٹ چینج کی عالمی کانفرنس میں پاکستان کو مدعو کیا جائے،شیلا جیکسن 

  

واشنگٹن(این این آئی)امریکی رکن کانگریس شیلا جیکسن نے پاکستان کو موسمیاتی تبدیلی کی عالمی کانفرنس میں بلانے کا مطالبہ کرتے ہوئے کہا ہے کہ پاکستان بھی موسمیاتی تبدیلی کے نتیجے میں پیدا ہونے والے مسائل سے نبرد آزما ہے۔بین الاقوامی میڈیا کے مطابق امریکی رکن کانگریس شیلا جیکسن لی نے امریکی صدر جو بائیڈن کے نمائندہ خصوصی جان کیری کو خط لکھ کر کہا ہے کہ پاکستان کو موسمیاتی تبدیلی کی امریکا میں ہونے والی عالمی کانفرنس میں مدعو کیا جائے۔اپنے خط میں شیلا جیکسن نے کہا کہ پاکستان بھی موسمیاتی تبدیلی کے نتیجے میں پیدا ہونے والے مسائل سے نبرد آزما ہے۔انہوں نے کہا کہ گلیشیئرز کے تیزی سے پگھلنے کے باعث دریاؤں کو خطرات کا سامنا ہے، پاکستان خطے میں امریکا کا اہم اتحادی ہے۔ موسمیاتی تبدیلی کے معاملے پر اسلام اذباد کے ساتھ مشترکہ لائحہ عمل اختیار کیا جائے۔ہیوسٹن سے منتخب ڈیمو کریٹ رکن کانگریس شیلا جیکسن پاکستان کاکس کی بھی چیئر پرسن ہیں۔

کلائمٹ چینج

مزید :

صفحہ آخر -