ایک جماعت کے سیاسی ایجنڈے کو مسلط کرنے کیوجہ سے ہم الگ ہوئے 

اے این پی کے مرکزی رہنما میاں افتخار حسین نے کہا ہے کہ ہمیں اور پیپلز پارٹی کو شوکاز نوٹس جاری کرنے والوں نے شوکاز نوٹس جاری کرکے پی ڈی ایم کو توڑنے کی بنیاد رکھ دی تھی ہم ایک جماعت کے سیاسی ایجنڈے کو مسلط کرنے کی کوششوں کی وجہ سے پی ڈی ایم سے الگ ہوئے ہیں۔وہ ایشو آف دی ڈے میں اظہار خیال کررہے تھے،ان کا کہنا تھا کہ ہر جماعت کا سیاسی نظریہ اور منشور اپنا اپنا ہوتا ہے اور سیاسی اتحاد کسی خاص ایجنڈے پر مشترکہ جدوجہد کے لئے بنائے جاتے ہیں مگر اس کے باوجود ہر جماعت کے جو اپنے اپنے سیاسی نظرئیے اور منشور ہوتے ہیں وہ اپنی جگہ پر ہی برقرار رہتے ہیں سیاسی اتحادوں کے اندر یہ اختیار کسی کے پاس نہیں ہوتا کہ وہ کسی دوسری جماعت کو کوئی شوکاز نوٹس جاری کرے جن لوگوں نے سوچے سمجھے بغیر ایسا کام کیا انہی لوگوں نے پی ڈی ایم کو توڑنے کی بنیاد رکھی ہے۔
میاں افتخار حسین