حکومت کی پالیسیوں کے باعث ملک کی معاشی صورتحال گھمبیر ہے، وزیر اعلیٰ سندھ مراد علی شاہ

حکومت کی پالیسیوں کے باعث ملک کی معاشی صورتحال گھمبیر ہے، وزیر اعلیٰ سندھ ...
حکومت کی پالیسیوں کے باعث ملک کی معاشی صورتحال گھمبیر ہے، وزیر اعلیٰ سندھ مراد علی شاہ

  

کراچی (ڈیلی پاکستان آ ن لائن ) وزیر اعلیٰ سندھ مراد علی شاہ کا کہنا ہے موجودہ حکومت کی پالیسیوں کے باعث ملک کی معاشی صورتحال گھمبیر ہے۔ پچاس لاکھ نوکریاں تو کیا ملنی تھیں، ملک میں بے روزگاری مسلسل بڑھ رہی ہے۔

پریس کانفرنس سے خطاب کرتے ہوئے مراد علی شاہ نے کہا کہ حکومت نے سٹیٹ بینک کو آزاد کر دیا ہے، اب وہ کسی کو جوابدہ نہیں،سٹیٹ بینک کو اتنا طاقتور کر دیا کہ اس کے معاملے میں کوئی کچھ نہیں کر سکتا،ملک میں شرح نمو ڈیڑھ فیصد سے کم ہے، ہم آئی ایم ایف کے کہنے پر قوانین بدل رہے ہیں۔ ہم لوگوں کی ویکسی نیشن نہیں کر پا رہے یہ بڑی ناکامی ہے، ویکسی نیشن کے بعد بھی وائرس سے بچنے کے لیے احتیاط کو نا چھوڑیں۔

انہوں نے کہا کہ کورونا ایس او پیز کو فالو نا کیا گیا تو وبا تیزی سے پھیل سکتی ہے، گڈز ٹرانسپورٹ کو روکنے کا نہیں کہا، صرف پبلک ٹرانسپورٹ پر پابندیاں لگائی ہیں، اگر صورتحال تشویشناک ہوتی ہے تو وفاق سے پبلک ٹرانسپورٹ پر مزید پابندیاں لگانے کا کہیں گے، پہلے بھی وفاق سے کہا تھا کہ بین الصوبائی پبلک ٹرانسپورٹ بند کی جائے۔

مزید :

قومی -