وفاق المدارس الرضویہ، سالانہ نتائج کااعلان، کامیابی کا تناسب97فیصد
بہاولپور(ڈسٹرکٹ بیورورپورٹ)وفاق المدارس الرضویہ نے سالانہ امتحانات کے نتائج کا اعلان کر دیا۔کامیابی کا تناسب 97%رہا،25317 طلبہ و طالبات نے شرکت کی اور 24571 نے کامیابی(بقیہ نمبر2صفحہ6پر)
حاصل کی۔صدر جنوبی پنجاب وفاق المدارس الرضویہ پاکستان صاحبزادہ محمد ریاض احمد اویسی،بروقت امتحانات کا انعقاد اور صرف 20 دن میں نتائج کی تیاری پر شعبہ امتحانات مبارکبادکا مستحق ہے مرکزی صدروفاق المدارس الرضویہ پاکستان صاحبزادہ حسین رضا تفصیل کے مطابق وفاق المدارس الرضویہ پاکستان نے اپنے سالانہ امتحانات (حفظ،تجوید،متوسطہ،عامہ،خاصہ،عالیہ،عالمیہ،تخصص) کے نتائج کا اعلان کردیا۔چیر مین امتحانی بورڈ ڈاکٹر مفتی محمد کریم خان کے مطابق 25315 طلبہ و طالبات نے سالانہ متحانات میں شرکت کی اوران میں سے24571 کامیاب ہوئے۔ اس طرح کامیابی کاتناسب97%رہا۔سالانہ امتحانات میں تقریبا 1700ملحقہ مدارس کے طلبا و طالبات نے شرکت کی،جن کے لیے ملک بھر میں (اسلام آباد،آزاد کشمیر،پنجاب،سندھ،بلوچستان،خیبر پختو نخواہ)میں 365 امتحانی مراکز قائم کیے گئے تھے۔ سالانہ امتحانات میں پوزیشن ہولڈر طلبہ وطالبات کی تفصیل حسب ذیل ہے:طلبا میں پہلی پوزیشن مفتی کورس میں لیاقت علی قادری(المرکز الاسلامی قصور) عالمیہ میں مدثر علی (جامعہ اسلامیہ مرید کے)،عالیہ میں محمد اسماعیل(جامعہ علمیہ لاہور)،خاصہ میں شہزاد حسین(جامعہ اکبریہ گوجرانوالہ)، عامہ میں محمد بلال(جامعہ غوثیہ میانوالی) اور متوسطہ میں بابر علی(جامعہ ابوبکر صدیق لاہور)نے حاصل کی جبکہ طالبات میں پہلی پوزیشن عالمیہ میں ثنا بی بی(جامعہ قادریہ مرید کے) عالیہ میں نفیسہ یاسین(جامعہ عمر فاروق مرید کے)، خاصہ میں فائزہ نورین(جامعہ نصیریہ چنیوٹ)،عامہ میں کبری بتول(دارالعلوم غوثیہ رضویہ ڈیرہ مراد جمالی) اور متوسطہ میں آفرین(جامعہ محمدیہ غوثیہ قصور)نے حاصل کی۔صدر وفاق المدارس الرضویہ صاحبزادہ محمد حسین رضا، صدر وفاق المدارس الاسلامیہ الرضویہ جنوبی پنجاب صاحبزادہ محمد ریاض احمد اویسی صاحب نے بر وقت امتحانات کے انعقاد اور صرف 20 دن میں نتائج کی تیاری پر شعبہ امتحانات کے عملہ کو مبارکباد دی اور ملحقہ مدارس کے ناظمین اور اساتذہ کرام کا خصوصی تعاون پر شکریہ ادا کیا۔یاد رہے کہ وفاق المدارس الرضویہ پاکستان مدارس کی تاریخ میں وہ پہلا دینی وفاق ہے،جس نے چار علوم (تفسیر،حدیث،فقہ،لغ میں تخصصات کے امتحانات منعقد کیے ہیں اور آئندہ تعلیمی سال میں مزید دو تخصصات (سیرت، تصوف) کے امتحانات بھی لے گا۔ مدارس کی تاریخ میں پہلی دفعہ طلبا کے ساتھ ساتھ طالبات نے بھی تخصصات کے امتحانات میں شرکت کی ہے تمام درجات کے نتائج وفاق المدارس الرضویہ کی ویب سائٹ www.wafaqulmadarisalrizvia.com پر دیکھے جا سکتے ہیں۔یا 4135328-0324 واٹس ایپ پر رابطہ کریں۔
