عامر خان فریال کو 2سال سے طلاق دینا چاہتے تھے : دوستوں کا دعوی

عامر خان فریال کو 2سال سے طلاق دینا چاہتے تھے : دوستوں کا دعوی
 عامر خان فریال کو 2سال سے طلاق دینا چاہتے تھے : دوستوں کا دعوی

  


 لندن(مانیٹرنگ ڈیسک)باکسرعامر خان کے دوستوں نے دعویٰ کیا ہے کہ وہ اپنی اہلیہ فریال کو گزشتہ دوسال سے طلاق دینا چاہتے تھے۔پاکستانی نڑاد برطانوی باکسرعامرخان اور ان کی اہلیہ فریال مخدوم علیحدگی کی خبروں کے باعث گزشتہ ایک ہفتے سے ملکی و بین الاقوامی میڈیا پر چھائے ہوئے ہیں، ہر گزرتے دن کے ساتھ دونوں کے رشتے کے حوالے سنسنی خیز انکشافات سامنے آرہے ہیں جب کہ اپنے گھریلو معاملات کو میڈیا پر اچھالنے کا سہرا بھی ان دونوں کے سر ہی جاتا ہے جو سماجی رابطوں کی ویب سائٹ کے ذریعے اپنے نجی معاملات کو پوری دنیا کے سامنے لا رہے ہیں ، دونوں کے گھریلو ڈرامے میں آنے والے اتار چڑھاؤ کو نہ صرف میڈیا مزے لے لے کر شائع کررہا ہے بلکہ لوگ بھی اس میں بھرپور دلچسپی لے رہے ہیں۔بین الاقوامی میڈیا کے مطابق عامر خان کے دوستوں نے دعویٰ کیا ہے کہ عامر خان اپنی اہلیہ سے بے حد تنگ تھے اور گزشتہ دوسال سے انہیں طلاق دینا چاہتے تھے، عامر کاکہنا تھا کہ وہ گھر میں نہیں بلکہ جہنم میں رہتے ہیں، وہ اپنی شادی سے اتنے دلبرداشتہ تھے کہ انہوں نے شراب نوشی بھی شروع کردی تھی۔جبکہ فریال کا کہنا تھا کہ عامرانہیں خواب میں بھی طلاق نہیں دے سکتے کیونکہ ان کے پاس عامر کے خلاف ایسا مواد موجود ہے جو ان کی شناخت کو تباہ کرسکتا ہے، ایک پارٹی میں دوستوں کے سامنے فریال نے اپنے شوہر کو دھمکی دی تھی کہ اگر عامر نیانہیں طلاق دی تو وہ اپنا پیسہ، شہرت اور مداحوں کی محبت سمیت سب کچھ کھو دیں گے۔واضح رہے کہ چند روز قبل عامرخان نے ٹویٹر پر اپنی اہلیہ سے علیحدگی اختیار کرنے کا علان کرتے ہوئے کہا تھا کہ ہم دونوں نے ایک دوسرے سے علیحدہ ہونے کا فیصلہ کرلیا ہے جب کہ انہوں نے فریال کیلئے نیک خواہشات کا اظہار بھی کیا تھا۔

مزید : کھیل اور کھلاڑی


loading...