قومی رینکنگ سنوکر چمپئن شپ کل کراچی میں شروع ہو گی

قومی رینکنگ سنوکر چمپئن شپ کل کراچی میں شروع ہو گی

لاہور(سپورٹس رپورٹر)پاکستان بلیئرڈ اینڈ سنوکر ایسوسی ایشن (پی بی ایس اے) کے زیر اہتمام نویں این بی پی قومی رینکنگ سنوکر چمپئن شپ (کل) منگل سے این بی پی سپورٹس کمپلیکس کراچی میں شروع ہو گی جس میں ملک بھر سے ٹاپ 31 کیوئسٹ سمیت چار جونیئر کیوئسٹ بھی ٹائٹل کے حصول کیلئے ایکشن میں دکھائی دیں گے۔ محمد آصف ٹائٹل کا دفاع کریں گے۔ تفصیلات کے مطابق ایک ہفتے تک جاری رہنے والے ایونٹ کیلئے مجموعی طور پر ڈیڑھ لاکھ روپے کی انعامی رقم مختص کی گئی ٗ فاتح کیوئسٹ کو60 ہزار روپے نقد انعام دیا جائے گا۔ ایونٹ میں شریک 35 کیوئسٹ کو چار مختلف گروپس میں تقسیم کیا گیا ہے، دفاعی چمپئن محمد آصف کو گروپ ایف میں سہیل شہزاد، ابو صائم، آکاش رفیق اور عمر فاروق کا چیلنج درپیش ہو گا۔ کوالیفائنگ راؤنڈ بیسٹ آف سیون، پری کوارٹر فائنلز اور کوارٹر فائنلز بیسٹ آف نائن، سیمی فائنلز بیسٹ آف 11 جبکہ فائنل بیسٹ آف 15 فریمز پر مشتمل ہو گا۔

منتظمین کا کہنا ہے کہ ایونٹ کے کامیاب انعقاد کو یقینی بنانے کیلئے تمام تر انتظامات مکمل کر لئے گئے ہیں ٗ ٹورنامنٹ 22 اگست تک جاری رہے گا۔

مزید : کھیل اور کھلاڑی


loading...