رشی کپور کی پاکستانیوں کو جشن آزادی پر مبارکباد

رشی کپور کی پاکستانیوں کو جشن آزادی پر مبارکباد
رشی کپور کی پاکستانیوں کو جشن آزادی پر مبارکباد

  


نئی دہلی (ویب ڈیسک) نامور بھارتی اداکار رشی کپور نے پاکستان کے 71 ویں یوم آزادی کے موقع پر پاکستانیوں کو مبارکباد دے کر تمام لوگوں کو حیران کردیا۔ملک بھر میں پاکستان کا یوم آزادی نہایت جوش و خروش کے ساتھ منایا جارہا ہے سبز ہلالی پرچم میں پاکستانیوں کے ساتھ بھارتی فنکار رشی کپور بھی رنگ گئے ہیں جب ہی تو انہوں نے پاکستان میں موجود اپنے تمام چاہنے والوں کو جشن آزادی کی مبارکباد دے کر میڈیا سمیت تمام لوگوں کو حیران کردیا۔

اداکار رشی کپور سوشل میڈیا پر کافی متحرک رہتے ہیں اور اکثر پاکستان اور پاکستانیوں کے خلاف منفی بیانات دیتے رہتے ہیں کئی بار رشی کپور انہیں منہ کی کھانی پڑتی ہے لیکن پھر بھی اپنی حرکتوں سے باز نہیں آتے، رشی کپور ہر بار کچھ ایسا نیا کردیتے ہیں جس سے سوشل میڈیا پر ایک نئی بحث چھڑ جاتی ہے اور لوگ حیران ہونے پر مجبور ہوجاتے ہیں ۔ اب پاکستان کے خلاف زہر اگلنے والے بالی ووڈ اداکار رشی کپور نے پاکستان کے 70 ویں جشن آزادی کے موقعے پر پاکستان کو مبارکباد دی ہے۔رشی کپور نے گزشتہ رات ٹویٹر پر تمام پاکستانی بھائیوں کو جشن آزادی کی مبارکباد دی اور نہایت جذباتی انداز میں لکھا کہ پاکستان میں مقیم میرے تمام دوستوں کو یوم آزادی کا دن بہت مبارک ہو، اس دن کو بھائی چارے ، امن اور محبت کے ساتھ منائیں۔

واضح رہے کہ رشی کپور کبھی بھی اپنی بات یا جذبات کا اظہار کرنے سے نہیں گھبراتے جہاں ہندو انتہا پسندوں کے خوف سے بھارت کے دیگر فنکار پاکستان کے بارے میں بات کرنے سے بھی گھبراتے ہیں وہیں رشی کپور اپنے جذباتوں کا برملا اظہار کرتے نظر آتے ہیں۔ واضح رہے کہ رشی کپور کئی بار پاکستان آنے کی خواہش کا اظہار کرچکے ہیں انہوں نے کچھ عرصہ قبل ٹوئٹر پراپنی خواہش کااظہار کرتے ہوئے کہا تھا کہ میرا وعدہ ہے ہم سب پاکستان آئیں گے بشرط یہ کہ دونوں ملکوں کے حالات ٹھیک ہوجائیں میں پر امید ہوں کہ زندگی میں ایک بار ضرور پاکستان آؤں گا۔

مزید : تفریح


loading...