پاکستان فلم انڈسڑی کی معروف اداکارہ برین ہیمرج کا شکار ہوگئیں

لاہور(ڈیلی پاکستان آن لائن)پاکستان فلم انڈسٹری کی سینئر اداکارہ فردوس بیگم کو برین ہیمرج کے سبب لاہور کے ایک نجی اسپتال میں داخل کروایا گیا ہے، ان کی عمر 71 سال ہے۔ خاندان کی جانب سے سینئر اداکارہ کے برین ہیمرج سے متاثر ہونے کی تصدیق کی گئی ہے۔
اے آر وائی نیوز کے مطابق اداکارہ کے اہلِ خانہ نے ان کے مداحوں اور رفقا سے دعائے صحّت کی اپیل کی ہے۔اداکارہ فردوس بیگم لاہور میں 1947میں پیدا ہوئیں۔ ان کا خاندانی نام پروین ہے جب کہ فلم نگری میں انھیں فردوس کے نام سے شہرت اور مقام حاصل ہوا۔ماضی کی مقبول فلم ہیر رانجھا میں فردوس بیگم نے "ہیر"  کا کردار نبھایا تھا اور شائقین کی توجہ حاصل کی تھی۔