راولپنڈی بم حملے میں ملوث 3دہشت گرد گرفتار،ملزمان راولپنڈی کے بعد کس جگہ حملے کی پلاننگ کررہے تھے ہولناک انکشافات سامنے آگئے

اسلام آباد(ڈیلی پاکستان آن لائن)سی ٹی ڈی نے 3 دہشتگردوں کو گرفتار کر کے اسلام آباد اسٹاک ایکس چینج پر حملے کا منصوبہ ناکام بنا دیا۔گرفتار دہشت گردوں نے تفتیش کے دوران ہولناک انکشافات کئیے ہیں۔
دنیا نیوز کے مطابق انسداد دہشتگردی فورس کی جانب سے گرفتار کئے گئے تینوں دہشتگردراولپنڈی میں بم حملوں میں ملوث رہے ہیں، ملزمان نے جنوری، مارچ، جون اور دسمبر میں راولپنڈی میں حملے کیے۔ ان کے قبضے سے بارودی مواد، ڈیٹونیٹر ، موبائل فون اور دیگر سامان برآمد ہوا ہے۔ سی ٹی ڈی کی جانب سے مزید بتایا گیا ہے کہ دہشتگرد پیر ودھائی حملے میں بھی سکیورٹی اداروں کو مطلوب تھے۔تفتیش کے دوران دہشت گردوں نے انکشاف کیا ہے کہ وہ اسلام آباد سٹاک ایکس چینج پر حملے کی منصوبہ بندی کررہے تھے۔ذرائع کے مطابق دہشت گردوں سے مزید تفتیش جاری ہے۔