16 ویں چولستان ریلی ، دفاعی چیمپئن نادر مگسی اس مرتبہ ٹائٹل سے محروم ، میدان کس نے مارا ؟ جانئے
بہاولپور (ڈیلی پاکستان آن لائن )16 ویں چولستان ریلی کی بازی اس مرتبہ صاحبزادہ سلطان نے سب سے کم وقت میں ٹریک مکمل کرتے ہوئے مار لی ہے ۔
تفصیلات کے مطابق صاحبزادہ سلطان نے چولستا ن ریلی کا ٹریک تین گھنٹے اور 11 منٹ میں مکمل کرتے ہوئے میر نادر مگسی کو شکست سے دو چار کر دیاہے تاہم وہ دوسرے نمبر پر رہے ۔ میر نادر مگسی نے ریلی کے ٹریک کو تین گھنٹے اور 22 منٹ میں مکمل کیا ۔ تیسری پوزیشن جعفر عمران نے حاصل کی اور انہوں نے ٹریک کو تین گھنٹے 24 منٹ میں مکمل کیا ۔
