ایشیائی حصص بازاروں میں تیزی کا رجحان

ایشیائی حصص بازاروں میں تیزی کا رجحان

ہانگ کانگ (اے پی پی) ہانگ کانگ، شنگھائی اور ٹوکیو سٹاک ایکسچینجز میں بدھ کو تیزی کا رجحان رہا۔ہانگ کانگ سٹاک ایکسچینج میں کاروباری سرگرمیوں کے دوران حصص کی قیمتوں میں 1.61 فیصد اضافہ ریکارڈ کیا گیا اور اہم ترین ہینگ سینگ انڈیکس 317.10 پوائنٹس کے اضافے سے 20028.86 پوائنٹس جبکہ شنگھائی سٹاک ایکسچینج میں ملک کا اہم ترین شنگھائی کمپوزٹ انڈیکس 0.60 فیصد یا 18.25 پوائنٹس کی بہتری سے 3041.11 اور شین ژین کمپوزٹ انڈیکس 0.47 فیصد یا 8.80 پوائنٹس کے اضافے سے 1864.19 پوائنٹس کی سطح پر ریکارڈ کیا گیا۔

ٹوکیو سٹاک ایکسچینج میں بھی تیزی دیکھنے میں آئی اور کاروباری سرگرمیوں کے دوران ملک کا اہم ترین نکی 225 انڈیکس 230.16 پوائنٹس کے اضافے سے 17449.12 پوائنٹس اور ٹاپکس انڈیکس 1.44 فیصد یا 20.22 پوائنٹس کی بہتری سے 1422.17 پوائنٹس ہوگیا۔

مزید : کامرس

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...