پاکستان اور بھارت شرپسندوں کے ہاتھوں یرغمال بنیں گے نہ ہی مذاکرات منسوخ ہوں گے:پرویز رشید
سلام آباد(مانیٹرنگ ڈیسک) وفاقی وزیر اطلاعات پرویز رشید نے کہا ہے کہ پاکستان اور بھارت شرپسندوں کے ہاتھوں یرغمال نہیں بنیں گے اور نہ ہی پاک بھارت مذاکرات منسوخ ہوں گے ۔
نجی ٹی وی کے مطابق سینیٹر پرویز رشید نے کہا کہ پٹھان کوٹ واقعے کے بعد بھی پاکستان اور بھارت کے درمیان کوئی کشیدگی نہیں بڑھی اور نہ ہی اس واقعے کے باعث دونوں ممالک کے درمیان ہونے والے مذاکرات منسوخ ہوئے ہیں ۔ ہم نے بہت سے دہشت گردوں کو گرفتار کرلیا ہے اس بار شرپسند دہشت گرد دونوں ممالک کو برغمال بنانے میں ناکام ہوگئے ہیں ۔ پاکستان اور بھارت کے درمیان ہونے والی کسی بھی پیش رفت سے سب کو آگاہ کر دیا جائے گا ۔پرویز رشید کا کہنا تھا کہ دہشت گردی کے خلاف اقدامات کررہے ہیں اور پاکستان کی عوام اور پڑوسی ممالک ہمارے اقدامات پر مطمئن ہیں ۔ انہوںنے کہا کہ ہمارا عزم مضبوط ہے پاکستان اور بھارت شرپسندوں کے ہاتھوں یرغمال نہں بنیں گے۔وفاقی وزیر اطلاعات نے کہا کہ عمران خان کنٹینر پرجو تقریریں کرتے ہیں اور میڈیا کے سامنے جو بھی بیانات دیتے ہیں وہی باتیں پارلیمنٹ میں آکر کر کریں ۔ عمران خان اسمبلی میں بہت کم آتے ہیں اگر وہ پارلیمنٹ میں آئیں تو ہم انہیں ملک کی معیشت کے بارے میں سمجھائیں گے۔ اگر انہیں کسی معاملے میں تحفظاتہیں تو عمران خان پارلیمنٹ کا سہارالیں اور اپنے تحفظات کا اظہار کریں ۔