سیاحتی مقامات کی سڑکوں سے برف ہٹانے کے انتظامات کر دئیے،انتظامیہ
پشاور(سٹاف رپورٹر)خیبر پختونخوا حکومت کی ہدایات پر ضلعی انتظامیہ سوات نے مالم جبہ اور کالام سمیت ضلع کی دوسری سیاحتی مقامات کی سڑکوں پر سے بر وقت برف ہٹانے اور انہیں ہمہ وقت کھلا رکھنے کیلئے تمام تر ضروری انتظامات کئے ہوئے اور تازہ برفباری کی لہر سے لطف اندوز ہونے کیلئے عوام کسی بھی وقت ان مقامات کا رخ کر سکتے ہیں۔ تاہم ضلعی انتظامیہ نے ہدایت کی ہے کہ سیاح اپنی گاڑیوں کو چین (زنجیریں) لگا کر سفر کیا کریں اور برفباری کی موسم سے متعلق تمام احتیاطی تدابیر پر عمل کرکے آئیں۔ ضلعی انتظامیہ اور مقامی پولیس سیا حوں کی خدمت کیلئے ہر وقت حاضر رہیں گے تاہم جن لوگوں کو گاڑیوں کو چین لگانے کی طریقہ کار سے واقفیت نہ ہو انہیں چاہیے کہ سوات یعنی مینگورہ سے نکلتے وقت مقامی گاڑیوں کا سہارا لیں اور یہ بات یقینی بنائے کہ ان کی گاڑیوں کو چین لگی ہوئی ہو، بغیر چین لگے گاڑیوں کو حادثات کی امکانات ہوتے ہیں ہیں آجکل مالم جبہ اور کالام سمیت دیگر تمام پہاڑی علاقوں میں شدید برفباری جاری ہے جس کی وجہ سے سیاحتی مقامات کی حسن کو چار چاند لگے ہوئے ہیں، ملک اور بیرون ملک سے سیاح جوق در جوق سوات آرہے ہیں جن کی حفاظت اور انہیں کی رہنمائی کیلئے سوات کی ضلعی انتظامیہ نے انتظامات کئے ہوئے ہیں تاہم ضلعی انتظامیہ سوات نے اس بات پر بہت زور دیا ہے کہ سیاح اپنی گاڑیوں کو چین کی تنصیب یقینی بنائیں اور تمام تر احتیاطی تدابیر اور ضروری ساز و سامان اپنے ساتھ رکھ کر ان علاقوں میں سیاحت کی لیے نکلے اگر ان کے ساتھ گاڑیوں میں چین یا دوسری سہولیات میسر نہ ہو تو مقامی گاڑیوں سے مدد لی جاسکتی ہے تاہم گاڑیوں کو کرایہ پر رکھتے وقت یہ بات یقینی بنائیں کہ ان کو چین لگی ہوئی ہو۔
