سعودی عرب سے مزید اربوں ڈالر آنے والے ہیں، پاکستانیوں کے لیے بڑی خوشخبری آگئی
اسلام آباد(مانیٹرنگ ڈیسک) سعودی عرب کی طرف سے پاکستانیوں کو ایک اور بہت بڑی خوشخبری سنا دی گئی ہے۔ بزنس ریکارڈر کے مطابق دوست ملک کی طرف سے پاکستان میں ’ری نیو ایبل انرجی سیکٹر‘ میں 4ارب ڈالر کی سرمایہ کاری کرنے کا فیصلہ کر لیا گیا ہے۔ یہ خوشخبری گزشتہ روز وزیر برائے پاور ڈویژن عمر ایوب خان نے قومی اسمبلی میں وقفہ سوالات کے دوران ایک سوال کا جواب دیتے ہوئے سنائی۔ان کا کہنا تھا کہ یہ سرمایہ کاری سعودی پاور پروڈیوسنگ کمپنی ’اے سی ڈبلیو اے پاور‘ کرے گی۔
عمر ایوب کا کہنا تھا کہ سعودی کمپنی ہوا، پانی، سورج کی روشنی اور کچرے وغیرہ جیسے سستے ذرائع کے بجلی پیدا کرے گی جو بہت سستی ہو گی۔ ان کا کہنا تھا کہ ’متبادل توانائی ترقیاتی بورڈ‘ ری نیو ایبل اور متبادل توانائی پیدا کرنے والے منصوبے لگانے کے لیے جدوجہد کر رہا ہے اور اس کے لیے نجی سرمایہ کاروں کو راغب کیا جا رہا ہے۔ہم 2025ءتک ملک کی مجموعی توانائی پیدوار میں متبادل توانائی کا حصہ 20فیصد اور 2030ءتک 30فیصد تک لیجانا چاہتے ہیں۔“