کوہ سلیمان پر 7 کلومیٹر طویل باغات میں آتشزدگی، چلغوزے کے درختوں کو کیسے بچایا گیا؟
ڈیرہ اسماعیل خان (ڈیلی پاکستان آن لائن) خیبر پختونخوا کے ضلع ڈیرہ اسماعیل خان میں کوہ سلیمان کے پہاڑی سلسلے پر واقع باغات میں لگی آگ پر 17 گھنٹے بعد قابو پالیا گیا۔
ریسکیو 1122 خیبر پختونخوا کے مطابق کوہ سلیمان پر سات کلومیٹر طویل باغات کے سلسلے میں آگ لگ گئی تھی جس پر قابو پانے کیلئے ریسکیو کے فائر فائٹرز کو 17 گھنٹے طویل اور کٹھن آپریشن کرنا پڑا۔
اس آتشزدگی میں زیتون اور عام لکڑی کو نقصان ہوا تاہم مہنگے ترین چلغوزے کے درختوں کو بچانے کیلئے ریسکیورز کو پیدل سفر کرنا پڑا تاہم انہوں نے طویل مسافت طے کرکے کڑی محنت سے انہیں آگ سے بچالیا۔
ریسکیو1122 ڈیرہ اسماعیل خان
— KP_Rescue1122 (@KPRescue1122) January 14, 2021
ریسکیو1122 فائر فائٹرز نے کوہ سلیمان کے پہاڑی سلسلے میں17گھنٹوں کےمسلسل آپریشن کے بعدباغات میں لگی آگ پرقابوپالیا
7کلومیٹرپرمحیط باغوں پرلگی آگ تک پہنچنے کےلیے پیدل مسافت کرتے ہوئے چلغوزں کے قیمتی باغات کو بچالیا جبکہ
زیتون اورعام لکڑی کونقصان پہنچا pic.twitter.com/yoBrfmBc7n
