وزیراعلیٰ کاملتان میں منصوبے بروقت مکمل کرنیکاٹاسک 

وزیراعلیٰ کاملتان میں منصوبے بروقت مکمل کرنیکاٹاسک 

  

 ملتان(سپیشل رپورٹر، وقائع نگا ر) وزیراعلیٰ پنجاب نے ضلعی  انتظامیہ کو منصوبوں کی مقررہ مدت میں تکمیل کا خصوصی ٹاسک دیدیا۔اس سلسلے میں ضلعی انتظامیہ نے مختلف منصوبوں پر پیش رفت کا جائزہ لینے کیلئے ہنگامی دورے کئے۔ کارڈیالوجی توسیعی بلاک میں تاخیر پر کنٹریکٹر کی سخت سرزنش کی اور بلیک لسٹ کرنے کی وارننگ دیتے ہوئے کہا کہ تاخیری حربے اپنانے پر سخت(بقیہ نمبر18صفحہ6پر)

 کارروائی کی جائے گی۔کمشنر ڈاکٹر ارشاد احمد نے کہا کہ شہر اولیا میں صحت کے میگا منصوبوں کی جلد تکمیل بارے کوشاں ہیں۔مدر اینڈ چائلڈ کیئر ہسپتال،کارڈیالوجی سنٹر توسیعی بلاک، نشتر میڈیسن سٹوریج بلاک سمیت متعدد منصوبوں پر تیزی سے کام جاری ہے۔عوام کو صحت کی سہولیات کی سہل فراہمی کیلئے عملی اقدامات کیے جارہے۔ منصوبوں کی تکمیل میں کوالٹی پر سمجھوتہ برداشت نہیں کیا جائے گا۔مقرر وقت میں سکیموں کی تکمیل سے عوام کے ٹیکس کا پیسہ بچایا جائے۔ انہوں نے مزید کہا کہ کمشنر آفس کی جانب سے منصوبوں کی تکمیل کیلئے مکمل معاونت فراہم کی جارہی ہے۔ملٹی سٹوری میڈیسن سٹوریج بلڈنگ اپنی طرز کا جدید منصوبہ ہے جس سے ادویات کو بہتر طریقے سے سائنسی بنیادوں پر سنبھالا جاسکے گا۔ ڈپٹی کمشنر ملتان عامر کریم خاں نے کہا کہ منصوبوں میں خطے کے کلچر کو اجاگر کیا جائے۔سکیموں کی تکمیل کیساتھ ہی مشینوں کے ٹینڈر کھولے جائیں۔عمارت کی تعمیر مکمل ہوتے ہی مشینری انسٹال کی جائے بصورت دیگر منصوبے سے شہریوں کو فائدہ نہیں ملتا۔انہوں نے کہا کہ وزیراعلی پنجاب سردار عثمان بزدار کی ہدایت پر منصوبوں کی انسپکشن کی جارہی ہے۔منصوبوں کی تکمیل میں کسی بھی قسم کی رکاوٹ سے فوری آگاہ کریں اور عوامی مفاد کو مدنظر رکھتے ہوئے سکیموں کی تکمیل مقررہ وقت میں یقینی بناء جائے۔اس موقع پر بریفنگ دیتے ہوئے بتایا گیا کہ 3 ارب روپے سے زائد لاگت سے200 بیڈز مدر اینڈ چائلڈ کئیر ہسپتال کو اپریل 2023 تک مکمل کرلیا جائے گا۔عمارت کی پائلنگ کا کام شروع کردیا گیا ہے۔ کارڈیالوجی ہسپتال کی بریفنگ میں بتایا گیا کہ توسیعی بلاک میں او پی ڈی اپریل تک فعال کردی جائے گی۔3 ارب روپے کی لاگت سے کارڈیالوجی ہسپتال توسیعی منصوبہ تکمیل کے مراحل میں ہے۔چودھری پرویز الہی انسٹیٹیوٹ آف کارڈیالوجی میں توسیعی بلاک کی تعمیر سے ہسپتال میں 208 بیڈز کا اضافہ ہوگا جبکہ پرانے بلاک میں 279 بیڈز فعال ہیں۔ڈاکٹروں، نرسوں کا رہائشی بلاک بی زیر تعمیر ہے۔نشتر2 میں بیسمنٹ، گرانڈ فلور،پہکی دوسری منزل کا عمارتی کام مکمل کیا جاچکا ہے۔اس موقع پر وائس چانسلر نشتر یونیورسٹی ڈاکٹر رانا الطاف، ڈائریکٹر ڈویلپمنٹ عرفان انجم و دیگر متعلقہ افسران موجود تھے۔

 دریں اثناڈپٹی کمشنر عامر نے ترقیاتی منصوبوں کی تکمیل کیلئے ضلعی محکموں کو الٹی میٹم دے دیا ہے اور کہا ہے کہ روڈز،بلڈنگ اور واسا سکیموں کو مقررہ ڈیڈ لائن میں مکمل کیا جائے۔ان خیالات کا اظہار انہوں نے قومی تعمیر نو کے محکموں کھ اعلی سطح کے اجلاس کی صدارت کرتے ہوئے کیا۔اجلاس میں ضلع کی متعدد سڑکوں کی اپ گریڈیشن کے منصوبوں کی منظوری بھی دی گئی۔ڈپٹی کمشنر نے کہا کہ وزیر اعلی پنجاب عثمان بزدار نے ملتان کو میگا پراجیکٹس دیے جن پر تیزی سے عملدرآمد کیا جارہا ہے۔انہوں نے کہا کہ روڈز اور انفراسٹرکچر کے منصوبوں کے معیار پر کوئی سمجھوتہ نہیں کیا جائے گا اور عوام کے پیسے کو انکی فلاح و بہبود پر بھی خرچ کیا جائے گا۔عامر کریم خاں نے کہا کہ سیوریج کی سکیمیں مکمل ہونے کے بعد روڈ سٹرکچر مکمل بحال کیا جائے تاکہ عوام کو تکلیف سے بچایا جاسکے۔ڈپٹی کمشنر نے ہدایت کی کہ نئی سکیموں کے حوالے سے اراکین اسمبلی کی تجاویز کو بھی مدنظر رکھا جائے۔

ٹاسک

مزید :

ملتان صفحہ آخر -