افغانستان کو انسانی بحران سے بچانے کیلئے فوری کاوشیں ناگزیر: جنرل باجوہ

     افغانستان کو انسانی بحران سے بچانے کیلئے فوری کاوشیں ناگزیر: جنرل باجوہ

  

       راولپنڈی (مانیٹرنگ ڈیسک) آرمی چیف جنرل قمر جاوید باجوہ نے کہا ہے افغانستان کو انسانی بحران سے بچانے کیلئے عالمی برادری کی فوری کاوشوں کی ضرورت ہے۔پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق امریکی ناظم الا مو ر اینجلا ایگلر نے جنرل ہیڈ کوارٹرز (جی ایچ کیو) کا دورہ کیا اور سپہ سالار جنرل قمر جاوید باجوہ سے ملاقات کی۔آئی ایس پی آر کے مطابق ملاقات میں باہمی دلچسپی، علاقائی سلامتی کی صورتحال، افغانستان اور مختلف شعبوں میں دوطرفہ تعاون پر بھی تبادلہ خیال کیا گیا۔آئی ایس پی آر کے مطابق امریکی ناظم الامور نے علاقائی امن و استحکام کیلئے پاکستانی کردار، کاوشوں کو سراہا۔اس موقع پر آرمی چیف جنرل قمر جاوید باجو ہ کا کہنا تھا افغانستان کو انسانی بحران سے بچانے کیلئے عالمی برادری کی فوری کاوشوں کی ضرورت ہے۔

جنرل باجوہ

مزید :

صفحہ اول -