پی ایس ایل سیزن 7 کا آفیشل گانا اس مرتبہ کون گائے گا ؟ گلوکاروں کے نام جان کرشائقین کرکٹ خوش ہو جائیں گے 

پی ایس ایل سیزن 7 کا آفیشل گانا اس مرتبہ کون گائے گا ؟ گلوکاروں کے نام جان ...
پی ایس ایل سیزن 7 کا آفیشل گانا اس مرتبہ کون گائے گا ؟ گلوکاروں کے نام جان کرشائقین کرکٹ خوش ہو جائیں گے 

  

لاہور(ڈیلی پاکستان آن لائن ) پاکستان سپرلیگ  سیزن 7 کے آفیشل گانے کے لیے عاطف اسلم اور آئمہ بیگ کے نام کا قرعہ نکل آی اہے ۔

نجی ٹی وی ایکسپریس نیوز کے مطابق پی ایس ایل کی جانب سے سماجی رابطے کی ویب سائٹ ٹویٹر پر آفیشل گانے کے لیے منتخب ہونے والے گلوکاروں کے ناموں کا اعلان کیا گیا۔اعلامیے کے مطابق آفیشل گانے میں گلوکار عاطف اسلم اور آئمہ بیگ اپنی آواز کا جادو جگائیں گے جبکہ عبداللہ قریشی اسے کمپوز کریں گے۔

ٹویٹر پر کی جانے والی پوسٹ میں ایک تصویر شیئر کی گئی ہے، جس پر عاطف اسلم آئمہ بیگ اور عبد اللہ قریشی کی تصاویر بنی ہوئیں ہیں۔پی ایس ایل کا آفیشل ترانہ آئندہ ہفتے تک ریلیز کیا جائے گا، جس کے بعد اسے لیگ کے دوران سٹیڈیم میں بجایا جائے گا۔ گلوکار عاطف اسلم پہلی مرتبہ پی ایس ایل کا آفیشل ترانہ گائیں گے جبکہ آئمہ بیگ گزشتہ ایڈیشن کا آفیشل ترانہ ’گروو میرا‘ کا حصہ بن چکی ہیں۔

میوزک کمپوزر اور پرڈیوسر عبداللہ صدیقی نے کہا کہ ایچ بی ایل پی ایس ایل کا آفیشل ترانہ تیار کرنا میرے لیے بہت بڑا اعزاز ہے۔واضح رہے کہ گزشتہ برس پاکستان سپرلیگ 6 کا آفیشل گانا آنے کے بعد شائقین نے اس پر شدید تنقید کی جس کے بعد ایک نیا تنازع کھڑا ہوگیا تھا، جس کے بعد بعد علی ظفر نے اپنے طور پر پی ایس ایل کا گانا تیار کر کے ریلیز کیا تھا۔

مزید :

قومی -کھیل -