بھارتی کرکٹ بورڈ نے ناقص پرفارمنس پر روہت شرما اور ویرات کوہلی کو اہم حکم جاری کر دیا

Jan 14, 2025 | 12:06 PM

نئی دہلی (ویب ڈیسک) انٹر نیشنل کرکٹ میں مسلسل ناکامی کے بعد بھارتی کرکٹ بورڈنے(بی سی سی آئی) نے کپتان روہت شرما اور بیٹرویرات کوہلی کو ڈومیسٹک کرکٹ کھیلنے کی ہدایت کر دی ہے۔

بھارتی میڈیا کے مطابق بی سی سی آئی کا اجلاس ہوا جس میں ٹیسٹ کرکٹ میں حالیہ ناکامیوں بالخصوص آسٹریلیا میں روہت شرما اور ویرات کوہلی کی خراب کارکردگی کا جائزہ لیا گیا۔

اجلاس میں روہت شرما اور ویرات کوہلی سمیت تمام کھلاڑیوں کو ٹیسٹ کرکٹ میں قومی ٹیم کی نمائندگی کرنے کے لیے ڈومیسٹک کرکٹ کھیلنے کی شرط عائد کر دی ہے۔

بی سی سی آئی نے واضح کر دیا ہے کہ اب سابقہ کارکردگی، سینیارٹی اور بڑے ناموں پر انتخاب کی پالیسی ختم کی جا رہی ہے۔ بھارت کی نمائندگی کیلئے لازمی رانجی ٹرافی کھیلنا ہوگی۔

مزیدخبریں