”اسرائیل لال بیگوں کا دیس“کے نام سے حماس کا نیا جنگی ترانہ جاری

”اسرائیل لال بیگوں کا دیس“کے نام سے حماس کا نیا جنگی ترانہ جاری

  

مقبوضہ یروشلم (این این آئی)حماس نے اسرائیلی بمباری سے پیدا ہونے والی جنگی فضا میں اسرائیل کے خلاف ایک رزمیہ ترانہ عبرانی زبان میں جاری کیا ہے تاکہ عام اسرائیلیوں کو حماس کے ہاتھوں ان کے ممکنہ انجام سے خبردار کیا جا سکے،رزمیہ ترانہ جو بنیادی طور پر عربی زبان میں تھا نفسیاتی جنگی ضرورت کے لیے اسے اب عبرانی میں منتقل کیا گیا ہے۔ ترانے کے الفاظ ہیں ”اسرائیل کو ہلا کے رکھ دو“میڈیارپورٹس کے مطابق یہ ترانہ القسام بریگیڈ کے نوجوانوں میں غیر معمولی طور پر مقبول ہو رہا ہے۔

 اور اس کا عبرانی ترجمہ بھی یو ٹیوب پر اپ لوڈکر دیا گیا ہے۔ترانے میں کہا گیا ہے صہیونیوں کا صفایا کردو، اس کے فوجیوں اور فوجی مراکز کو خاکستر کر دو اور لال بیگوں کے گھر یعنی اسرائیل کو تباہ کر دو۔واضح رہے منگل کے روز سے اسرائیل نے غزہ میں فلسطینیوں کے خلاف جنگی آپریشن شروع کر رکھا ہے۔ جس میں جمعہ کے روز تک ایک سو سے زائد فلسطینی شہید اور سینکڑوں زخمی ہو چکے ہیں۔

مزید :

عالمی منظر -