خوشی ہے دھونی کو رن آؤٹ  کرکے مجھے شہرت ملی، مارٹن گپٹل

خوشی ہے دھونی کو رن آؤٹ  کرکے مجھے شہرت ملی، مارٹن گپٹل

ویلنگٹن (آئی این پی)نیوزی لینڈ کے بیٹسمین مارٹن گپٹل نے تین دن پہلے اولڈ ٹریفورڈ کے سیمی فائنل میں بھارت کے سابق کپتان اور وکٹ کیپر بیٹسمین مہندر سنگھ دھونی کو ایسے وقت پر براہ راست تھرو سے رن آوٹ کیا جب وہ بھارت کو جیت کی طرف لے جارہے تھے۔

 اسی رن آوٹ کے بعد دھونی سے مطالبہ کیا جارہا ہے کہ وہ ریٹائرمنٹ لے لیں۔ مارٹن گپٹل کہتے ہیں کہ ورلڈ کپ میں مجھے اپنی بیٹنگ کارکردگی کی وجہ سے مایوسی ہوئی ہے لیکن خوشی ہے کہ مہندر سنگھ دھونی کو رن آوٹ کرکے مجھے شہرت ملی ہے۔انہوں نے اعتراف کیا کہ شائقین مجھ سے میری کارکردگی کی وجہ سے مایوس ہیں، لیکن مجھ سے زیادہ مایوس کوئی اور نہیں ہے۔ مجھے امید ہے کہ فائنل میں ناکامیوں کا ازالہ کروں گا، ایسی کارکردگی دکھاوں گا جس کی مجھ سے توقع کی جارہی ہے۔واضح رہے کہ مارٹن گپٹل ورلڈ کپ کی پانچ اننگز میں ڈبل فیگر تک بھی نہیں پہنچ سکے ہیں۔ سیمی فائنل میں دھونی کو آوٹ کرکے انہوں نے شہ سرخیوں میں جگہ بنائی۔

مزید : کھیل اور کھلاڑی