پاکستان میں سمارٹ کرکٹ بال تیار کرنے کا اعلان

پاکستان میں سمارٹ کرکٹ بال تیار کرنے کا اعلان

  

لاہور(سپورٹس رپورٹر) وفاقی وزیربرائے سائنس وٹیکنالوجی فواد چوہدری نے کہا ہے کہ پاکستان اپنی اسمارٹ کرکٹ بال تیارکرے گا۔وفاقی وزیرسائنس وٹیکنالوجی فواد چوہدری کا کہنا ہے کہ ہم مل کراس مقصد میں کامیابی حاصل کرسکتے ہیں، کوکا بورا کی جانب سے تیارکی جانے والی اسمارٹ بال کی ویڈیوسوشل میڈیا پرشیئرکیے جانے پرانہوں نے لکھا کہ سیالکوٹ والوآؤیہ کام کردکھائیں، میرے خیال میں اس گیند کی تیاری میں کوئی مسئلہ نہیں ہونا چاہیے، آئیں اپنی ٹیکنالوجی یونیورسٹیزکے ساتھ مشترکہ منصوبہ شروع کرتے ہوئے اپنی اسمارٹ کرکٹ بال بنائیں۔یاد رہے کہ اسمارٹ کرکٹ بال میں ایک چپ نصب کی گئی ہے، اس کی مدد سے گیند کوپھینکتے اورباؤنس کے بعد کی رفتارکا درست اندازہ لگایا جاسکتا ہے، اسپنرزکی گیند کتنی گھومی یہ بھی معلوم ہوسکتا ہے، بال بیٹ یا پیڈ، گھاس یا فیلڈرکے ہاتھ کولگی، اس کی بھی درست معلومات حاصل ہونے سے امپائرز کو مدد ملے گی انہوں نے مزید کہا کہ امید ہے کہ جلد ہی اس حوالے سے کام کا آغاز کردیا جائے گا۔

مزید :

کھیل اور کھلاڑی -