پشاور، سرکاری ملازمین کا تنخواہوں میں اضافے کیلئے اسمبلی چوک پر احتجاج

پشاور، سرکاری ملازمین کا تنخواہوں میں اضافے کیلئے اسمبلی چوک پر احتجاج

  

پشاور (مانیٹرنگ ڈیسک) سرکاری ملازمین نے تنخواہوں میں اضافے کیلئے اسمبلی چوک پر احتجاج کیا، مظاہرین کو منتشر کرنے کیلئے پولیس کی جانب سے آنسو گیس کی شیلنگ اور واٹر کینن کا بھی استعمال کیا گیا۔ خیبر روڈ پر ٹریفک کی روانی متاثر ہوگئی۔خیبرپختونخوا میں مختلف سرکاری ڈائریکٹریٹس کے ملازمین نے مطالبات کیلئے احتجاج اور دفتری امورکا بائیکاٹ کیا۔ ملازمین کا کہنا تھا کہ حکومت نے ڈائریکٹریٹ ملازمین کو مکمل نظر انداز کر دیا ہے۔ تنخواہوں میں تفریق ختم کرنے کے اعلانات پر عملدرآمد نہیں کیا گیا۔مظاہرین کا کہنا تھا کہ ڈائریکٹریٹس کے ملازمین سیکرٹریٹ اور دیگر محکموں سے زیادہ کام کرتے ہیں لیکن حکومت مسلسل ان کو نظر انداز کر رہی ہے، مظاہرین نے مطالبہ کیا کہ فوری طور پر ڈائریکٹریٹس ملازمین کو الاؤنس دیا جائے۔

احتجاج 

مزید :

صفحہ آخر -